الثلج و الطيور في قسنطينة ❤️طبعا هي عادة ليست في قسنطينة فقط و لكن عندنا بالضبط طريقة خاصة يجهلها الكثير رايحة نحكيلكم على عادات عائلة الجدة نتاعي كي يغب التلج (يقولو يغب التلج او يطيح التلج ) ❤️بحكم معاشرتهم للاتراك كسبو عنهم عادة و لي هي عادة إطعام الطيور في فصل الشتاء ، يطلعو فحينهم للعلالي و يطعموهم لكن هنا ما يطيشولهمش القمح كما هو متعارف به عند الكثيرين ، تشفاو نهار قتلكم كي نفتلو نخليو حق الطير ؟! هداك هو لي يحطوهولهم يكون بين النعمة و المجبور و البعض يسميها النعمة المعندة أو البربو
عام الوفرة و الخير ☺️❤️من الاعتقادات القسنطينية القديمة ، يقولو ناس زمان و الكبار نتاع بكري انو شجرة الزهر كي تحلم قبل وقتها يعني راهو عام نتاع خير☺️❤️(تحلم يعني تزهر قبل الوقت)لاحظنا العام هذا انو خرج الزهر و برائحة جد قوية مقارنة بزهر الربيع و بزاف ناس خافوا و تطيروا و ظنوا بحكم ربي سوء ، في هذه الحالة كانوا ناس بكري يستبشروا و يفرحو اول حاجة يديروها يخبيو أكبر كمية من المونة و يجددوا الاسقاف نتاع العرعار و يقطروا اكبر كمية ممكنة من الزهر هدا و يخبيوه غير للمناسبات ما يتمسش
نسخ الرابط