نفسك

عود نفسك اللي يروح منك إعتبره مجاش !!حياتك هتبقى أحسن لما تتعود " ما تشغلش بالك "ما تشغلش بالك مين مشي ومين متغير معاك ما تشغلش بالك إيه اتقال من وراك ولا بأراء الناس فيك وخليك عارف إن حياتك بيهم أو من غيرهم هتمشي فلما تفارق حد مش هتموت ولما يخذلك حد برضو مش هتموت الحياة كدا والذكي اللي يفهم إن الحياة مطبات ومش الشاطر اللي بيتفادى المطب لا دا الشاطر هو اللي يقع في المطب بس يعرف يتفادى المطب اللي بعده ..إجمد كدا وما تخليش الحزن يسرق عمرك ..هتبقى أحسن لما تتعود تخليك ف حالكومتشغلش بالك غير بنفسك‏أحسن حاجة ممكن تعملها إنك تحافظ على مسافة كافيه بينك وبين الناس عشان تفضل تشوفهم حلوين ، لأن الناس من بعيد دايماً أحلى ...

عارف يعني ايه " ما أُخذ بسيف الحياء فهو حرام " يعني ما تحاولش تاخد حق مش حقك لمجرد إنك عارف إن اللي قدامك هيتكسف يرفض؟ .. ما تحاولش تحط اللي قدامك ف حيرة بين الذوق و الحق .. ما تطلبش طلب و انت عارف و متأكد او شاكك من نسبة الإحراج اللي هتسببها للي قدامك ؟ما تختبرش ذوق حد و قوة تحمله ؟ النبي عليه الصلاة والسلام قال " لَا يَحِلُّ مَالُ امْرِئٍ مُسْلِمٍ إِلَّا بِطِيبِ نَفْسٍ مِنْهُ " راعوا مصلحة اللي قدامكم زي نفسكم .. دوروا علي طيب نفس اللي قدامك ؟" اتقوا الله و ما تحملوش الناس فوق طاقتها ؟ "

من غلطات عمرنا إننا أوقات نطلب "الحنية" من ناس قلوبها صعبة ناس قلوبها حجر، وبنعمي عنينا عن قسوتهم، وبننسى إن "الحنية" شيء مش مكتسب دي يا بيتولد الشخص بيها يا بيعيش عمره كله بيسمع عنها من بعيد لبعيد.. اللي اتولد حنين هيكمل كده، واللي اتولد قاسي برضه هيكمل كده.. متتعبش نفسك مع ناس قاسية حتي لو طلبت منهم وحنو عليك شوية هتبقي مش من جواهم ومش مقنعة و الموضوع كمان مش هيستمر لأن الطبع بيغلب التتطبع ..عشان كده الناس الحنينة رزق ربنا يرزقنا بقلوب حنينة لينة تهون علينا الدنيا و قسوتها..