close

استيقظت بيوم ولقيت بقعة زرقاء بايدياخبرتني أمي أنها مادام ماعم توجعك فما مشكلة...أبي فحصها كتير وقلي انها من النوم الكتير...أخي قلي حاج تنقي... معلمة الرسم قالتي أنها أثر الألوان ..استاذ الموسيقا قال أنها أثر تدريب البيانو لفترة طويلة...رفيقتي خبرتني أنها مكياج بيجوز...رفيقتي التانية ماانتبهت لها...الدكتور قلي بأنها آثار نفسية وهي علامات إكتئابٍ حاد...جارتي الختيارة ماقالت لي شي بس نصحتني حط تلج ...رحت حطيت تلج وبآخر اليوم راحت البقعة الزرقاء تمامًا تاني يوم رحت عند جارتي اشكرها لانها الوحيدة الي مادورت عالسبب بس علمتني كيف داويها.. لقيتها توفت وسمعت وحدة عم تقول الله يرحمها كان وجهها عم يضحك رغم انو جسمها مليان بقع زرق...هون بس تأكدت انو #مابيحس بوجعك الا الي دايقه وشبعان منه لهيك مابيسألك كيف وليش ومشان شو صار هيك بيحاول يداويك ويمكن هو بيقدر يخفف عنك بس مابيقدر يخفف عن حالو.

close
هادئه ه
منذ سنة

معك حق كلام جميل الله يسلمك ويحفظك يا رب

منذ سنة

صدقت والله

تم نسخ الرابط بنجاح تم نسخ الرابط بنجاح
لقد تم ارسال الرمز بنجاح لقد تم ارسال الرمز بنجاح