احمد غازي

*الشجاعة مش انك تكون مش بتخاف..*ربنا خالقنا كلنا اننا نكون بنخاف من الحجات الي منعرفش نتيجتها ايه، او ازاي نقدر نلحق نفسنا من الهلاك فيها. عدم وجود الخوف معناه ان فيه حاجة غلط. *الشجاعة هي ان يبقى عندك المقدرة على مواجهة الخوف ده عشان تثبت لنفسك ان الحاجة الي بتواجهها مش هتؤدي لهلاكك 💪🏾*

في ناس مُفسدة بطبعها وموجود منهم كتير جدًا في حياتنا، وللأسف هدفهم إنّهم يفسدوا علينا فرحتنا وحياتنا، وعادي جدًا تلاقيهم بيمثلوا إنّهم بيحبوك وبيخافوا عليك وفي نفس الوقت بيعملوا حاجات الشيطان نفسه يستحي يعملها، عشان كدا إدعوا ربنا يبعد عننا النوع دا من الناس وقولوا دايمًا: اللهم إنّي أعوذ بك من شياطين الإنس.

عوّد نفسك على سُرعة التعافي بعد الصدمات والأزمات، ما ينفعش تضيّع عُمرك بتبكي على اللي حصل واللي بيحصل واللي لسه هيحصل، لازم تعرف إنّك مش هتفضل سعيد طول الوقت ولا برضو حزين طول الوقت وإن كُل حاجة هتعيشها ما هي إلا مرحلة هتاخُد وقتها وتنتهي، عشان كدا لا تطوّل في الزعل ولا تسيب الحُزن يصاحبك وخليك فاكر إن كُله بيعدّي.