Hesham Gamal منذ 9 أيام
من ساعة ما عرفت إن سيدنا النبي كان لما يعجبه حاجة في الدنيا يقول "لبيك إن العيش عيشُ الآخرة" وأنا بحاول أقولها كل ما أشوف حاجة تعجبني، من باب تطبيق السُنة وإني أعمل زي ما كان حبيبي بيعمل مش أكتر لكن اكتشفت إن الجملة دي بتحرك في القلب حاجة، لما بتقولها بينصرف تفكيرك عن جمال الدنيا اللي قدام عينك، ويتحول كل إعجابك بيها لتأمل في جمال الجنة اللي أكيد هيبقي أضعاف مُضاعفة..الجملة فعلياً بتخليك تزهد في الدنيا وتتعشم في الآخرة في ثواني يتحول كل اللي في قلبك لخليط من إحتساب أجر السُنة والصبر علي الحرمان في الدنيا والزهد فيها والعشم في نعيم الجنة وتمنّيها.لبيك إن العيش عيشُ الآخرة 🥀في سُنّته حِكمة 💚 #صلواعليه
نسخ الرابط