مافيش حد بيصحي الصبح يمسك الموبايل ويكتب علي الباز صباح الخير أنا النهاردة أستلفت فلوس علشان أكمل قسط حاجة في بيتي ؟ولا واحد بيمسك الباز يكتب صباح الخير أنا النهاردة لفيت علي خامس دكتور علشان تعبان ومحتاج عملية والدنيا معايا صعبة ؟ولا حد بيصحي يكتب قائمة المنغصات اليومية اللي عنده معظم الناس بتعتبر السوشيال ميديا وسيلة لتخفيف الضغط ، بيصحي يحط صورة حلوة ليه علشان تقوله الله تجنن ف ترفع من روحه المعنوية ، أو يكتب بوست هزار علشان يسمع ضحكات تهون عليه الدنيا ، أو يكتب أي حاجة عن أفكاره ومشاعره اهو يفضفض شوية عن المشاعر الي جواه لكن من الخلل إني أفتكر إن حياته الحقيقية هي حياته اللي علي السوشيال ميديا ؟وأفضل مكدر نفسي ومتخيل إني الوحيد التعيس في هذا العالم وكل العالم بقوا سعداء ومزقططين ؟الحياه هاتفضل حياة" فيها الحلو وفيها المر "كلنا حكايات جوة بعضها مش حكاية واحدة والحيطان مدارية حكايات كتير قوي صعبة محدش يعرف عنها حاجة ؟الناس بتحب تحكي عن أي حاجة حلوة علي الفيس ومحدش هايحكي عن خيبته ، الخيبة مابتتحكيش ، الخيبة بتداري ؟

في فترات معينة من حياتك هتمر بمرحلة اسمها الخواء العقلي أو الفراغ العاطفي، مشاعر كتير بتتخللك مش قادر تحصرها أو توصفها بتخليك مشوش، عندك شعور قاتل بالوحدة والغربة حتى لو بين كل محبيك، شعور بالإرتباك والخوف، بتوصل لمرحلة تفقد فيها الرغبة في تحقيق أي هدف في حياتك،والإنعزال عن الجميع بالرغم من فقدان الإتصال مع نفسك، ده بيحصل لما نمر بظروف صعبة، علاقات مستهلكة، توقعات عالية مش قادرين نحققها، أو حتى اضطرابات كتير في محيطنا عقلنا مش قادر يستوعبها، الفراغ ده بيكون حالة ذهنية بتحصل كرد فعل تلقائي كل فترة نتيجة لمحاولة عقلنا خلق مساحة عاطفية تفصلك عن الأحداث دي لحمايتك من الانتكاس والتعامل مع عاطفة مستهلكة محتملة، الفراغ العاطفي مش انعكاس لك أكتر منه آلية تكيف طورها عقلنا علشان نتعامل مع الظروف الحادة لحمايتك، لما تحس إنك دخلت المرحلة دي حاول تتكلم، مش سهل اطلاقاً فهم المشاعر الى بتمر بها الا لما تتكلم مع حد بيستمع كويس، الكبت بيوصل لنا شعور زائف إن كل شيئ بخير وهو ليس كذلك.

تم نسخ الرابط بنجاح تم نسخ الرابط بنجاح
لقد تم ارسال الرمز بنجاح لقد تم ارسال الرمز بنجاح