من فترة قريبة، مر عليا تقرير أجنبي عن فيلم خيال علمي قديم اسمه (Soylent Green) من إنتاج عام ١٩٧٣م، وازاي إن التويست اللي في آخره كتبت تاريخ جديد لأفلام الخيال العلمي من حينها فصاعدا.دورت ع الفيلم وشوفته، لقيت أحداثه زي ما في السكرين كدة، بتدور بعد ٥٠ سنة في المستقبل القريب في عام ٢٠٢٢م. كانوا شايفين عالمنا هيبقا شكله ايه؟كوارث مناخية بوظت البحار والمحيطات. نباتات كتير اختفت. اللحوم بقت شديدة الندرة. الغذاء الأساسي حاجة مش مفهومة، بنكتشف إنها خلاصة جثث البشر اللي بيموتوا وبتتعالج بطريقة معينة. الأجيال القديمة بتحكي عن الأكل الطبيعي والمناظر الجميلة والكائنات المنقرضة اللي حضروها صغيرين، باعتبارها أساطير الأولين. ربما يتاح ليك على سبيل المكافأة لو انت تطوعت بتقديم جثمانك لشركة الغذاء إنهم يفرجوك على فيديوهات العالم ما قبل الكارثة. الأثرياء لما بيشتروا شقق جديدة بياخدوا معاها بنت جميلة من ضمن العفش. في حظر تجوال يومي دائم. الناس لما بتتظاهر بيبعتوا عليهم بلدوزرات تغرفهم وتعبيهم حرفيا زي الزبالة.من كام سنة كنت وقفت مع فيلم (Blade runner) اللي صدر في أوائل التمانينات، وكان بيحكي عن العالم في المستقبل القريب بردو، في ٢٠١٩م، وكان عنده تصور متفائل جدا بإن البشر هيصنعوا روبوتات متطورة وعربيات بتطير، وهيعملوا مستعمرات خارج الأرض، وهكذا.الإشكال بالنسبالي، هو ازاي محاولات استشراف المستقبل في أفلام الخيال العلمي، رغم المجهود الكبير المبذول فيها، إلا إن الواقع الفعلي لما بيحضر بيكون فارق عنها كتير بشكل لم يكن يمكن توقعه، ومخيب للآمال أيضا ولكن بدرجة أقل سوءًا مما كان متوقعا بالفعل.لا زالت الطفرات اللي بينجزها الإنسان في الحضارة الحالية واعدة جدا ومفاجئة، لكنها أيضا مخيفة ومرعبة، ولما بتيجي تقارن كل هذه السياقات مع بعضها، بتنتهي إلى خلاصة إنه: كان يمكن أن تسوء الأمور عما هي عليه بكثير. ولكن الحمد لله؛ قدّر ولطف.ولا زال إنسان الحضارة المتعجرف الغشيم طايح في الوجود وخرمان خرتأة في الكائنات. #قعدة_دراما
كانت روم لطيفة ومكثفة إمبارح، في كلامنا عن مسلسل The Diplomat اللي اكتفينا فيها بالكلام عن ٣ محاور لا يخلو منهم أي مسلسل عظيم، وازاي قدر المسلسل هنا يحققهم:- تكريس حالة (intriguing) من المشهد الافتتاحي وعلى مدار العمل.- شحن العلاقات بـ(Subtext) متعدد الطبقات.- القرارات الدرامية الكبرى اللي بياخدها الكاتب، واللي بيكون من شأنها نجاح أو فشل العمل.بعدها، تطرقت للإعلان عن حاجتين جايين أرجو إنهم يكونوا فارقين ومفيدين لأي حد مهتم بكتابة السيناريو:- الأبعد منهم، كتاب فيه أغلب المحتوى اللي قدمناه في غرف باز، ولكن بتوسع وتفصيل مكانش وقت الغرف بيسمح بيه، مع ملحقات ضرورية أساسية لا يستغني عنها أي كاتب. ودة مخطط إطلاقه في سبتمبر القادم بأمر الله.- الأقرب منهم، ومفروض يكون الأسبوع دة، كورس مكثف مصوّر من العام الماضي بالتعاون مع أكاديمية نصوص، في فنيات كتابة السيناريو مناسب لكل المستويات.إن شاء الله تكون إضافة حقيقية وفارقة لينا كلنا. #قعدة_دراما
نسخ الرابط
الليلة، الساعة ٩ مساء بتوقيت القاهرة، غرفة صوتية نتناول فيها سريعا فنيات مسلسل الإثارة The Diplomat الذي يتصدر قائمة أعمال نتفليكس مؤخرا، ثم ننتقل إلى إعلان عن حدثين مهمين لأي مهتم بفنيات كتابة السيناريو الدرامي، وأرجو ٱن تكون إضافة فارقة لأي مهتم أو متخصص.لعمل تذكير بموعد الغرفة:https://myapp.baaz.com/feed/fh9Zنلتقي على خير. #قعدة_دراما
نسخ الرابط
مسلسل أمريكي لسه أول موسم ليه خلصان امبارح تقريبا. 8 حلقات ثريلر وتشويق ومفاجآت وتويستات وصدمات من اللي قلبك يحبها.تشارلز دانس عامل دور جميل وكفاية طلته على الشاشة. أينعم في شوية ثغرات بسيطة وخطوط اتفتحت ماتقفلتش بشكل مشبع بما يكفي.. بس إجمالا العمل جميل، ورشحته لكذا صديق من أول حلقتين، والآن بعد انتهاء الموسم بأرشحه في العموم، خصوصا إن آخر حلقة كانت فعلا جامدة.وقت ممتع.
نسخ الرابط
أعدت مشاهدة الجزء الأول من فيلم Dune الملحمي.الفيلم طقوسي بامتياز في كافة تفاصيل القصة والعالم والشخصيات والموسيقى.يتوقع صدور الجزء الثاني أواخر هذا العام.
نسخ الرابط