نسخ الرابط
ثمرة نمو
قراءة
التحسين والتطوير إلى أفضل حال، كُن التغيير وطيب الأثر
لا تؤجل فكرة لا تؤجل حلم لا تؤجل حياةلأنك بس قاعد بتتعذر بظروفك.بتحكي بس يزبط الأمر الفلاني راح أعمل هيك وهيك وإذا زبط راح تدوّر على عذر تاني.وما بحتاج أذكرك بكل مرة، لأنك عارف نفسك أكثر مني.لا تترك لحالك المجال للتخلي عن حلمك.وكل إللي عليك هو السعي، ومن الله السعة. #من_القلب
📍في دور أسمه ( الشجرة المثمرة ) ..هاد الدور حاول توقفه ، مش كل شيء تعمله ، ولا كل ما يطلب منك تعطيه ، ولا تجامل عشان ترضي حدا ..من حقك أنك توقف كل شيء في أي لحظة بدون تردد لأن نفسك أولى من غيرك👌🏻. #من_القلب
انتبه لا تخلي كل تركيزك وحياتك في الشغل! 🙅🏻♀️حاول توازن بين حياتك وشغلك ، عيش لحظاتك الحلوه بكل تفاصيلها لإنك إذا ركزت بس على شغلك رح تخسر أمور كتيرة وصعب ترجعها ومنها :- علاقاتك مع أصدقائك- لحظاتك مع عائلتك - تخسر نفسك 🔺اسأل نفسك هل شغلك بستاهل انك تخسر كل هاد؟! #من_القلب
كل عام وأنت بخير ..وروحك بخير ..وفي تغيّر مستمر للأفضل ..ولو بشي بسيط.كل عام وإدراكك أوسع ..وبصيرتك تسبق بصرك ..وصبرك يسبق غضبك ..ويقينك يسبق خوفك.كل عام وأنت حقيقي ..أكثر قرب لنفسك ..أكثر قبول لضعفك ..وأكثر مرونة مع فشلك.كل عام والداعمين حولك كثير.والأمل كبير. #من_القلب
في مقولة للرئيس الامريكي ثيودور روزفلت:“comparison is the thief of joy”ومعناها: أن المقارنة تسرق الفرح!وانا بحكيلك انها بتسرق اللحظة و تسرق العمر و تسرق الهوية..!كيف؟لأن مقارنة نفسك بالناس تثير مشاعر قوية يمكن أن تغير حياتك!🔹 تدرس تخصص معين وانت ما بتحبه ولا بترغبه لأنه صحابك في أو عشان اسم التخصص أرقى من غيره..🔹ولا تدخل اطفالك بمدرسة معينة بس لانه" س" من الناس أولادهم بهاي المدرسة 🔹أو تنقل لمكان جديد لأنه صاحبك انتقل عليه! 🖇️طيب شو تأثير أو نتيجة المقارنات على صحتنا النفسية وحياتنا بشكل عام ؟📎 إذا قارنا أنفسنا بالآخرين فاحنا نقارن لأننا مدفوعين بمشاعر الدونية أو التفوق.. يعني انا اشعر اني اقل من غيري علشان بدي احس اني متلهم بقلدهم و بعيش حياه ما بتاسبني ومو مريحة اللي بس علشان احس اني متلهم وفي نهاية الامر رح تلاقي نفسك عايش حياه ما بشبهك و بنفس الوقت ضيعت هويتك و قمعت رغباتك الأصلية و فجأه راح عمرك و انت ما عشت، و وصلت لمرحلة تسأل نفسك انه انا مين؟ ⚠️وتلاقي نفسك كل الاهداف اللي حققتها هي اهداف شخص آخر و شكل حياة شخص آخر مو انت اللي اخترتها !📌لأنك ببساطة شو عملت؟ما ركزت على (نقاط الضعف عندك و عززتهاولا ركزت على جوانب بشخصيتك أو حياتك اللي تحسسك بعدم الامان و عالجتها انت ركزت عليها عن طريق استبدالها بنقاط قوة اشخاص آخرين مو الك) عملت ما يعرف بعلم النفس:Selective-Focuse blind spotما قارنت نفسك بشكل واقعي انك بوضعك الحالي تحتاج ١،٢ و لوين حابب توصل، بل قارنت نفسك بالجوانب الايجابيه فقط في حياة الآخرين و اهملت تعزيز الجوانب اللي موجودة فيك و تحتاج منك انك تشتغل عليها!ولا يخلق هذا التصرف إنسان سليم عاطفيًا #من_القلب
نسخ الرابط