((أنا طول النهار بقولهم إعملوا ده وماتعملوش ده ، ولو ماقولتش بيتصرفوا غلط ويبهدلوا الدنيا ..)) ده كان حالي من فترة ومشكلة كانت بتقابلني يوميا مع ولادي ،إنهم مبيعملوش حاجة صح إلا لما أقولهم ..كانوا عاملين زي الغرقان اللي طول الوقت عايز حد يساعده وأنا عاملة زى المتكلبش من رقبته ومش قادر يتلفت يمين أو شمال.. مع الوقت ده كان مُجهد ومُرهق ليا جدا ..هما كمان بدأوا يتمردوا ويزهقوا ويعندوا كمان..ده غير قلة ثقتهم في نفسهم وعدم قدرتهم على إعتمادهم على نفسهم..والوضع العام كان ممل ويزهق ليا وليهم .. 💥حاجة واحدة بس هي اللي ساعدتني في حل المشكلة دي ،الحاجة دي هي / ( الروتين) في ٧ خطوات هعرفك إزاي تعملي روتين مع أولادك ، وتستمروا عليه: ١/هنفترض إن إحنا عايزين نقلل الأوامر فترة الصبح ، يبقى هنقعد معاهم قعدة هادية وبتركيز ، ونسألهم تفتكروا إيه الأعمال اللي ممكن نعملها فترة الصبح أول مانصحى من النوم؟؟ ٢/بعد مانسمع كل اللي قالوه، نقترح عليهم ونزود عليهم لو نسيوا حاجة .. ٣/ نتأكد إنهم فهموا كل الخطوات وأهميتها وترتيبهم .. ٤/ بشكل كويس وحلو يكتبوا اللي هما قالوه ، ويعلقوه في مكان واضح... ٥/ دي نقطة مهمة جداا، نتابع وندربهم على إتكتب وإتفقنا عليه ، ونأكد عليهم يبصوا فالروتين.. ٦/ ماتتوقعيش إننم هيلتزموا من الأول ، لأ الموضوع بيحتاج إستمرارية ، ومتعمليش أكتر من روتين في وقت واحد .. ٧/ إسحبي نفسك تدريجي بعد ماتتأكدي إنهم عرفوا إزاي يطبقوا الروتين ، وبعد فترة قيمي التجربة ... بعد ماهتطبقي ال٧ خطوات دول هتلاقي مع الوقت ، المشاكل اليومية بدأت تقل عن الأول ورتم الحياة بأة أسهل ومنتظم أكتر .. متنسيش لايك وشير عشان تشجعيني أستمر..ومنشن لأى حد بيواجه نفس المشكلة .. #دعاء_مكى #سعى_صبر_حب
متنسيش معادنا بكرة إن شاء الله الساعة ١٠ ونص صهنتكلم عن / إزاي نتغلب عالعصبية ونكون اهدى مع أولادنا ؟؟ اللينك / https://myapp.baaz.com/feed/6A4i
نسخ الرابط
حاجات بنقولها لولادنا وبنعملها تخليهم مايسمعوش كلامنا ..ساعات من زحمة اليوم ومسئولياتنا الكتير بنكون مش واخدين بالنا من كلامنا ومن تصرفاتنا ..فنكون عايزين حاجة معينة من ولادنا بس تصرفاتنا تخليهم يعندوا معانا وما يسمعوش الكلام ، ونرجع إحنا نشتكي منهم ونفكر إنهم مش مؤدبين والجيل ده جيل بايظ ..عشان كدة مهم تاخدي بالك من / ١ / الأوامر الكتير واللي مش مفهومة بتخلي ولادنا يعندوا معانا ..٢/ إننا منسمحش لأولادنا بالتحاور والنقاش في أي حاجة ونعتبر كلامهم وردهم علينا قلة أدب، لا هو ساعات بيكون محتاج بس يفهم ..٣/ إن ما يكونش فيه نظام لليوم وكل شوية نطلب منهم حاجة مفاجئة ، العشوائية دي بتزود من تصرفات ولادنا الغلط..٤/ الإستعجال طول الوقت وإن ما نديهمش وقت ينفذوا اللي طلبناه منهم ، وإحترام قدراتهم الأقل مننا ..٥/ عدم التهيئة لو اللي بتطلبيه من أولادك مهمة صعبة عليهم ، لو المهمة صعبة أو غير محببة ليهم مهم نهيأهم من قبلها بشوية ،ده هيساعد كتير ..# سعى_صبر_حب #دعاء_مكى
نسخ الرابط
منقول في ناس مننا من كتر تألمها من المحنة اللي احنا فيها واللي فيها اخواتنا وأمتنا ... بقى خلقهم ضيق وبدأوا يفقدوا تركيزهم بشكل كامل في أي حاجةممكن تلاقي زوج ماسك ريموت التليفزيون والموبايل وعينه متعلقة بالاخبار على مدار الساعة [وده طبيعي ... لأن ارواحنا متعلقة معاهم هناك] .. وده مخليه مالوش دماغ يسمع اي شكوى من زوجته او حد من ولاده في أي موضوع ومالوش نفس يعمل اي حاجة... ولو حد كلمه يهب فيه ويزعقلهممكن تلاقي زوجة طول الوقت بتسكرول على الفيس بوك بتتابع اخبار أهالينا ومنهارة طبعا من اللي بيحصل.... وحاسة إنها مشلولة ومالهاش نفس تعمل اي حاجة لولادها او جوزها .. وبتهمل بيتها بشكل كامل لا يا أحباب .... مش كده ... إحنا مش أمة ولولة ونياح طبيعي اننا نكون متأثرين باللي بيحصل ... ونكون حاسين اننا غضبانين و متكتفين ومكسوفين .لكن ماتخلوش الأحداث سبب لسوء الخلق والإهمال ... ده أهالينا هناك بيطبطبوا على بعض وبيدعموا بعض وبيحاولوا يسعدوا بعض رغم الأزمة. بالعكس ....انا عاوز اقول اللي بيحصل لازم يكون سبب في ترتيب قلوبنا وبيوتنا وبعلاقتنا بالناس، وبترتيب اولوياتنا في تربية ولادنا .اللي يقدر ياخد اي موقف بالفعل او بالكلمة ناحية اخواتنا، يعمله فورا .لكن واحنا بنعمل ده ... لازم نستثمر الحدث في إصلاح نفوسنا وعلاقتنا باللي حوالينا.اللي زعلان على اللي بيحصل هناك، ما ينفعش يكون بيظلم زوجته هنا وبيهملها ومقصر في إشباع احتياجاتها النفسية والجسديةاللي زعلانة على الناس هناك ، ماينفعش تكون بتعامل جوزها بندية وبعصبية وعدم احترام .اللي نفسه يعمل حاجة للناس هناك ... لازم يربي أولاده... يربيهم على القرآن والصلاة والمروءة والفداء و الكرامة ... ويبطل يكسرهم ويهينهم ويضربهم. ماينفعش نكون زعلانين على الظلم اللي واقع على اخواتنا هناك ... ونلاقي واحدة هنا بتحرق دم مرات إبنها... ولا واحد بيدّخل في حياة إبنه ومراته .ماينفعش تكون حزين على اللي بيحصل هناك ... ولسه مصمم على عقوق والديك واهمالهم ... او على قطيعة رحم ... او مصمم على ضرر زميل ليك في الشغل ، او أكل مال حد بالباطل اول علامة لصدق نوايانا ، هي محاولة اصلاح نفوسنا وبيوتنا. #دفا_البيوت #محمد_فتحي
نسخ الرابط