Mohamed Mustafa

زمان فى البلد راجل كان بيتسحر هو وعياله وفجأة دخل عليهم ( عجل )🐃 من الزريبة.. فقال الأب لإبنه الكبير قوم يا رفعت بسرعه إربط العجل أحسن ينطحنا كلنا .. قام رفعت وهو مستعجل خبط اللمبه برأسه فكسرها وحول البيت لضلمه .. ولسه بيتحرك حط رجله على الصينية فقلب الأكل على الأرض.. نط علشان ميدوسش على الأكل فجت رجله اليمين فى حِجر أبوه والشمال فى وشه..وبعدين اتكعبل وقع على اخوه كسر دراعه. فصرخ الأب لباقى أولاده وقال : سيبوا العجل وإمسكوا رفعت

عارف يعني ايه: "لكيلا تأسوا على ما فاتكم، ولا تفرحوا بما آتاكم"يعني النجاح هيجيلك في أوانه والشغل هيجيلك في أوانه، والجواز هيجيلك في أوانه، والخلفه هتجيلك في أوانها..و اللي فاتك مكانش ينفع تاخده، و اللي اخترته مكنش ينفع تسيبه، و لو رجع بيك الزمن لاخترت نفس اختياراتك، و أنت في المكان و الهيئة اللي المفروض تكون فيها بالظبط..والندم على اللي فات ملوش لازمة، و كتر التفكير فيه حماقة و تضييع وقت، و تخيل سيناريوهات بديلة و الحكم عليها بأنها هتأدي لحال أفضل من حالك الحالي هو الجهل..