جامد#
مش لازم تبقي جامد ومفيش منك علشان تبقي واثق من نفسك ..احنا كلنا مليانين عيوب.. ولا الثقة بردو في كلمتين انا واثق من نفسي اللي بتقولهم وبترددهم في وش اللي بيشكك في ثقتك وانت اساساً من جواك مش حاسسهم ..وتخيل كمان ان الثقة مش انك تبقي واثق ومتأكد ان الناس شايفاك انسان كويس وحلو واحسن واحد في الدنيا ..الثقة في النفس ..إن مايبقاش فارق معاك رأي حد فيك اصلاً ...
احيانا بيبقى جوانا حاجات كتير لخبطة دوشه ظلمة توهان احساس بأننا محتاجين كل حاجه وفي نفس الوقت مش عايزين ولا حاجه قلبنا بيبقى عامل زي الورق المتشخبط عليه اصله ابيض بس الشخبطه شوهت جزء كبير منه احساس اننا مش عارفين احنا محتاجين ايه ولا عايزين ايه ده احساس لوحده مجهد .في وقت بنبقى كل اللي محتاجينه عزله وهدوء وبعد عن كل الناسوفي وقت تاني بنبقى محتاجين دوشه وونس وكل اللي بنحبهم حوالينا مهما جه علينا اوقات كنا بنبعد فيها عن الناس فده بالزبط كاننا بنقولهم متسيبوناش وخليكوا معانا ممكن نكون محتاجين نكون لوحدينا بس ده بيبقى لوقت قليل اوي عشان لو كل واحد ساب نفسه لنفسه هيتأذي جامد اوي لان كل الناس بطبعها محتاجه تحس بالامان والحب والاهتمام واي حد لوفضل لوحده ولتفكيره كتير مش هيوصل لحاجه خد وقتك في تعبك وزعلك وتفكيرك بس متدخلش في سكه ظلمة وتسلم نفسك ليها ازعل وتوه من غير ما تشوه نفسك ولو معرفتش انت محتاج ايه متخترش الطريق السهل وتبعد عن كل حاجه حلوه في حياتك .. وافتكر دايما ان حتى في عزلتك ربنا بيفضل معاك عشان يوريك اي نقطة نور في الظلمة اللي انت عايز تشوفها ...Mawada...
نسخ الرابط