رسالة

رساله من طفل 👼انا عمري من 4 ل6 شهورخلاص ياماما انا بدأت اشوفك اوضح من الاول ، بدأت اتعلق بيكي زياده وعيني تتحرك معاكي 😘🥰بدأت افوقلك زياده ومنيمكيش 😿مش هبطل زن ابدا منا ضراضيري بتوجعني 😩قربت اسنن خلاص انتي مش حاسه بيا ولااي 🥺دخلت ف طفرة نمو عشان بكبر وحالي بيتغير كل يوم 🫣عايز اقعد ومش عارف ..عايز اتقلب ومش قادر 😅مش عايز انام بس مش عارف اقعد برضه .. فاهمه ياماما 😭عرفتي بقا بزن ليه ؟!متسبنيش عالسرير لوحدي عشان هقع ..لو اكلتيني متحشريش المعلقه في زوري تقفليني من الاكل كله 🙂بالراحه عليا انا لسه بتعرف عالاكل ياماما 😩اصبري عليا ارجوووكيانا عارف اني بزهقك معايا ونومي قل كتير عن الاول عارف اني موترك طول اليوم ومش فايقه بسببي بس غصب عني 🥹عايز اشوفك ع طول قدامي 🥹اه متطبخيش ، متناميش ، متستحميش منا مش بطمن غير جمبك ياحبيبتي 🫡بس متقلقيش ياماما .. انتي شخصي المفضل للابد محدش هياخد مكانك عندي ابدا 🥰انتي بطله عمري ♥️

رساله لقلبك .! 📩♥️ والله قريب هتفرحي فرحة متتوصفش والدنيا هتتبسملك وربنا هيعوضك ، علشان إنتي غالية ومقامك غالي فَ ربنا مش هيضيع أملك فية وهيراضيكي ، هتفضلي طول عمرك نقية وصافية ربنا هيبعتلك اللي يجعلك مُدللتُه ونور عنية ، تأخيرك خير ولما تعرفي في الأخر ربنا عاينلِك أي من كُتر الفرحة عينك هتدمّع وتجري تصلي وتشكُرية وهتحسي وقتها إنُه بجد الصبر جميل ، والله قُريّب قلبك هيتراضىٰ ، دا ربنا اللي بيقولك "فإن مع العُسر يسراً .. إن مع العُسر يُسرا" صدق اللة العظيم ، أفرحي وعيشي كُل يوم وإنتي عايشاه منغير ما تستني حاجة وأتأكدي إن كُل حاجة هتيجي في أوانها ، ربنا حاسس بيكي وعالم ب اللي جواكي وبيختبرك على قد قُربك منُه على قد مدى رضائُه عليكي ومدىٰ نعمُة اللي لا بتنتهي ولا يجي في جمالها إلا غير منُه ، أضحكي وأبتسمي ومتزعليش طول ما إنتي تمام ، كُل اللي ربنا هيبعتهولِك خير ، قال تعالي"وَلَنَجْزِيَنَّ الَّذِينَ صَبَرُوا أَجْرَهُمْ بِأَحْسَنِ مَا كَانُوا يَعْمَلُونَ♥️"