كاميليا ابوالعينين

مع السلامة للي عايز يمشياللي يفلت ايدينا بلاش نتمسك بيه ونفلتها أحنا كمانهو حقيقي بس صعب جدا مش بسهولة اننا نقوله أو نكتبهفي ناس في حياتنا نقدر بسهولة نفلت ايديهموفي ناس مينفعش يومنا يعدي من غير ما نكلمهم نطمن عليهموجودهم هو الحياة والأمل بالنسبة لينالكن كل ما بنتمسك باللي عايز يفلت ايدينا بنكون عاملين زي اللي ماسك بسلك شائك التمسك عبارة عن ألم ووجع وجراحفلازم نفلت ايدينا علشان نخفف جروحنا مهما طال الوقت الجرح هيخف وهنلاقي اللي يداوية في صحبة في أهل في شغل في مساعدة للناسوالأثر اللي هيفضل هيفكرنا ويخلينا ناخد بالنا المره الجاية علشان منتوجعش تانيمش كل اللي يمشي نقوله مع السلامةفي الألم أمل #كاميليا_محمد #مستشار_اسري🌹

محتاجين كتالوج علشان نفهم بيه تفكير الست أمينه لأنها بتقول كلام وبتقصد غيره تماما فلو انت اخدت علي كلامها هتقلب خناقه فلو قالتلك عمرك ما خرجتها اكيد هتبص لها بصة استغراب امال مين اللي لسه معشيها برا من اسبوعينلكن هي تقصد عايزة تخرج بس خلاصلو قالتلك تعبانه ومهدوده بالبيت طول النهار فعايزة تجيب اكل تقولها ارتاحي يا حبيبتيفأنت اعقل الكلام قبل ما ترد وافهم كتالوج الست أمينة كويس علشان تعيش مرتاح هي تقول حاجة وتقصد حاجة تانية خالص اه والله زيمبقولك كداطلقني شكرا…… لو الزوجة قالت لجوزها طلقني… هي عايزاه يهتم ويطمنها ويحتويها ويراضيها ويحل اي مشاكل وخلاف بينهم فهي غالبا متقصدش كلمة طلقني ولو تقصدها مش هتقولك هتلاقي المحضر جايبلك اعلان المحكمة انما لما تقولك كل شوية بمناسبه وبدون مناسبه فهي عايزاك تهتم ولو مهتم كنت عرفت لوحدك فما أنك معرفتش هتاخد واحده طلقني في وشك… يعني اهتم يالي ما بتحسشتقول طيب ليه اللف والدوران ما تقول وخلاص اهتم شكراهي مش هتقول لأن الأهتمام مبيطلبش لكن الطلاق بيطلب عادي🤣🤣اما سي السيد لو قالها هطلقك ولا هجوز عليكهو هنا عايز يخوفها ويقولها اسكتي واقصري الشر وبلاش مشاكل فهي طريقتة لحل المشكلة انه يهددها بالطلاقوهو عارف انها هتسكت لأنها عايزة بيتها ومملكتها فالراجل كمان عايز يلم المشكلة ومش عايز كلام لكن هو بطريقتة دي بيزلزل امانها وبيكسر الطمأنينة جواها وعمرها ما هتصدق انه مجرد كلام ولن تنسي لك هذا الموقف ابداا وهتفضل تدفع تمنه طول حياتك🤣في النهاية دي طريقة كل طرف في التعبير عن مفهومه وعن طبيعتة فلو نترجم الكلام اللي جوانا لأقوال بدل ما نقول كلام بيجرح ويهدهيكون افضل بكتير #كاميليا_محمد

التعامل مع المشاعر صعب مش سهل اني اقول لحد متزعلش ماحزنش نتتألمش فيسمع الكلام وعلي طول مشاعر الحزن تختفيولا معانا زرار فأدوس عليه العافية النفسية ترجع الوجع والألم النفسي مش سهل مش ايد مجسورة ولا رجل فهدخلها في الحبس شهرين تلاته وترجع زي الأول واحسنالألم النفسي لو اتكلمت مع المريض من هنا لبكره ممكن ماخففش عنه وجعه ولا تغير مشاعرةولا اتكتبله كل ادوية العالم ومسكنتها ممكن متطيبش ألمة ولا حتي يفكر ياخدهالأن الألم النفسي بيفقد الرغبة عن الحياة بيشعر بكسرة ونغزة في القلب بتخليه غير راغب في الخياة وفاقد الثقة بالناس أو حتي مش شايفهم ونسيطر عليه انه لو مات هيرتاح وطول ما هو عايش يبقي هيتألمفالبتالي ارحموا اي شخص موجوع نفسيا بلاش تستهونوا بألامه ولا تقللوا منها وبلاش حكم ومواعظ لأنكم بتتعبوه اكتر مش بتخففوا عنهكل اللي عليكم خليكم حواليه ومعاه قدروا حزنه وألمه الحزن هياخد وقته والوجع مسيرة يخف والدنيا مش هتقف عند حدالخروج من حالة الحزن والألم التفسي حسب صحتنا النفسيةفي اشهاص ممكن الصدمات النفسية تقضي عليهم تماما ووممكن ناس تناية تنضج بعد الصدمةالموضوع كله حسب طبيعية الأشخاصفأي شخص بينر بأزمة نفسية بلاش تفضل حواها كتير وبلاش تسترجع الشعور طول الوقت ادي فرصة للي بيحبوك يساعدوك لو لقيت الأزمة مطولة الجأ لمتخصص #كاميليا_محمد #مستشار_اسري

ليه الستات عندهم قناعة راسخةانهم لما يتنازلوا أو يقدموا ويهتموا بزيادةدا هيخلي جوزها يحبها اكتروالناس تعاملها احلي ويردوا الصاع صاعين والربا في الحب والأهتمام حلال وعجبي #الحقيقة أن طبيعية المرأة العطاء والحب والحنان مشاعر طبيعية جوا المرأة بسبب فطرتها امال هتبقي أم ترعي وتهتم وتحب وتحتوي من غير شروط ازايازاي هتشيل الطفل اللي كان سبب ألمها وفتح بطنها وتحضنه وروحها تتعلق بيه حتي من قبل ما يجيوغريزة الأمومة سابقة اي ألم ووجع والغريزة طاغية عليها وفي سبيلها تتحمل اي ألم وصعوبات ويبقي جوزها مطلع عينها ونقولها بلاش تخلفي وهي ابدااا لازم تخلف حب وعطاء وبهدله😏وبالتالي المرأة لما بتحب بتعطي لما تهتم تتنازل اما بتحب تعبر وتطلب تلاقيها بتقدم وتقدم بزيادة حبتينعلي أمل ان البعيد يحس ويخلي باله وبقول اه الست دي طيبة وبنت حلال وعماله تتنازل وتيجي علي نفسها لما اقدرها شويةالحقيقة برضوا في رجاله اميد هتقدرلكن الأغلب ولا هياخد باله وهيعتبر دا عادي ومحدش طلب منك وبعد شوية هيبقي حق مكتسب وهيتمسك بيه وتبقي حرب لو فكرتي تتخلي عن تنازلاتكيبقي من البداية الحب والمشاركة طبيعي موجودة بين الزوجين التنازلات تقدر بقدرها ووقت اللزوم ومتكونش شئ مستمر لأن الحياة مش هتستقيم لو طرف دايس علي طرف ولو طرف بيحرم. نفسه علشان التاني يعيشالراجل ليه دور والمرأة ليها دور تعاونهم مع بعض بيعزز الترابط الأسري والمودة والرحمه بينهم وفي حالات ز جية كتير بيحتاجوا للتعاون او حد يشيل زيادة شوية بسبب ظروف الشغل او السفر او الصحة لكن طرف يقوم بدور التاني هنا الميزان هيختل لو بتحبي تقدمي وتتنازلي تمام بس بلاش تلبسي دور الضحية وبلاش يبقي بعمل كدا علشان هو كمان يهتم ويقدر واللي بيزيد عن حده بينقلب ضده #كاميليا_محمد #مستشار_اسري