نسخ الرابط
خالد بكر
مستشار قانونى ومحام بالنقض والاداريه والدستوريه العليا
_أنا هتجوز عليكي=وماله اتجوز_ايه كده بالسهولة دي موافقه=آه طبعًا ربنا يهنيك_بتتكلمي جد=آه طبعًا بتكلم جد_طيب مش هتسألي مين هي؟؟!=أي حد مش فارقه يعني_طيب انتي ليه مش باين عليكي انك زعلانة=وازعل ليه حقك وشرع ربنا_تمام غريبة انا قلت هتخربي الدنيا=ليه يعني أنا أول واحدة جوزها يتجوز عليها ؟؟ !! بس هتسكنوا فين !!🤔_هأجر شقة ان شاء الله=تمام ، طيب يا حبيبي هتتجوز امتي_يعني ممكن شهرين= ربنا يسعدك يارب 🙂_صباح الخير=صباح الفل يا حبيبي_ايه مش رايحه الشغل=ايه ده هو أنا مقلتلكش أصلي اخدت أجازة بدون مرتب_ليه كده=قلت اقعد شويه أذاكر للولاد واهتم بيك_بس المرتب خسارة=مرتب ايه المهم انتوا ، آه صحيح عاوزة فلوس اشتري لبس للولاد و أجيب طلبات البيت_مش كنتي بتشتري انتي الحاجات دي من مرتبك=مانا بقولك قعدت_عاوزة كام=ألفين جنيه_ياه ألفين؟؟! أنا معايا ألف ونص بس=مش مهم هاتهم ولما تقبض نكمل طلبات البيت_ماشي اتفضلي😠=حبيبي قبضت ؟؟🤗_ايوه=طيب عاوزة فلوس الكهربا والإيجار والبيت_عاوزة كام ؟؟!!=4 آلاف_ليه ده كله🥴=يدوب تكفي والله_بس كدة انا مش هيفضل معايا فلوس=معلش بقي خدلك 200 خليهم معاك مصاريف_😢😢ماشي=حبيبي عندي ليك خبر حلو أنا حامل ☺_اييييه .. حامل 😳=ايون هجيبلك توأم كمان ،أصلي اخدت منشط وحامل في توأم_مش قلتي كفايه عليا اتنين ليه حملتي=يا سيدي العيال عزوه .. ايدك بقي علي 500 جنيه اكشف_منين والله مش معايا خالص اصبري اقبض=ياربي قبضك ده مش مكفي حاجه كده_هشوف اشتغل شغلانه تاني عشان اكفي=يلا يا حبيبي ربنا يخليك لينا يارب ويعينك ، صحيح اخبار العروسة ايه ؟؟ 🤔_عروسة ايه بقي ما خلاص انا مقدرش افتح بيتين وكمان فيه توأم جاي=يوووه زعلتني والله يالا ربنا يعوض عليك😇ان كيدهن عظيم 😎 #البازيين_الاصليين #البازيين_الجدد #انا على باز
نسخ الرابط
يا جماعة و الله و الله اللي سهل هو إني أصلي و أصوم و قرآن كل دة جمييل و لازم نعمله ..بس اللي صعب هو إني ماتدخلش في حياة حد و لا أصلا أسأل من باب الفضول إيه اللي بيحصل "من حسن إسلام المرء تركه ما لا يعنيه" .. اللي صعب إن الواحد مايجبش سيرة حد "و لا يغتب بعضكم بعضا أيحب أحدكم أن يأكل لحم أخيه ميتا فكرهتموه" .اللي صعب إن الواحد مايبصش لغيره و يتمني اللي في إيديه "و لا تمدن عينيك إلي ما متعنا به أزواجا منهم زهرة الحيوة الدنيا لنفتنهم فيه و رزق ربك خير و أبقي" .. الصعب إن الواحد مايتبعش عورات أي حد و يخليه في حاله " من تتبع عورات الناس تتبع الله عورته" ..فعلا دي تذكرة ليا أولا بس محتاجين نركز شوية في الكام حاجة دول ..يارب ارزقنا قلوب سليمة بتحب الخير لغيرها و تبقي نضيفة كدة من جوة #البازيين_الاصليين #البازيين_الجدد #انا_على_باز
نسخ الرابط