كريم محمد

‏السواد اللي تحت عيني مش مرض ده قلة راحة، وملامحي المقفولة مش كره للناس دي فرط حزن، وعصبيتي مش غباء ده ضغط بحاول اعديه، وزعلي مش كآبة ده تراكم أحزان حاولت أكمل من فوقها، مكنتش قاسي بس حد كسرني وزاد خوفي فقسيت، بقيت أحب أكون لوحدي لأن مبقاش عندي طاقة أتعامل مع أي حد الحقيقة .

مش محتاجين حد كامل، محتاجين حد مريح عشان الحياة مرهقه بما فيه الكفاية🤍

اللي طبعه ابن ناس غير اللي شكله ابن ناس ولاد الناس مابيقولوش على نفسهم ولاد ناس هما بيتعرفوا كدة من تصرفاتهم وجدعنتهم ومواقفهم مع غيرهم ولاد الناس عنيهم مليانة في كل حاجة في العلاقات وفي الفلوس ومع الناس لو بقوا اغنى الناس تلاقيهم برضو روحهم حلوة وبسطاء في تعاملاتهم ولاد الناس مهما مالت عليهم الدنيا ووجعت فيهم تلاقيهم برضو في اي موقف بيثبتوا انهم ولاد ناس♥️👌