📍إزاي تستغل وقت فراغك صح؟✔️ اسمع بودكاست. وهنا مش شرط تكون فاضي تماماً لا، اسمعه:👈🏻وإنت في المواصلات.👈🏻ما بين المحاضرات.👈🏻وإنتي بترتبي بيتك، وإنتي في المطبخ.✔️ افتح اليوتيوب وعيش حياتك، حقيقي ساعة واحدة في يومك لو استغليتها صح، هتتغير تماماً 🤸👈🏻 سلسلة السيرة النبوية ل أحمد عامر.👈🏻 سلسلة مجالس القرآن ل أحمد عامر.👈🏻 سلسلة مجالس القرآن ل أحمد عامر.دول أكتر سلاسل برشحها ليك قبل رمضان.✔️ مارس الرياضة 👈🏻 هنا مش بقولك روح چيم واقعد فيه بالساعات لا خالص ❌👈🏻 عشر دقايق من يومك هيدوك طاقة رهيبة تكمل بيها اليوم وكمان هتشوف الفرق على المدى البعيد.✔️ اقرأ- مش بحب اقرأ أنا أعمل إيه؟- بسيطة مش لازم تقرأ كتب عملاقة يعني ممكن:👈🏻 تقرأ ملخص كتاب.👈🏻 تقرأ مقالات في مجالك ومجالات مختلفة.✔️ اتطوع 👈🏻 مهم جداً خصوصاً لو مش قادر تطلع المواهب اللي جواك، هنا هتجرب كل حاجة لحد ما تكتشف نفسك.شير لإفادة الغير.- مريم عادل 🌻 #مريم_عادل #باز_يجمعنا #المجتمع_في_باز
📍أهم 4 شروط للنجاح👌🏻1️⃣ إنك تنجح فى سن صغير.2️⃣ إنك تاخد شهادات كتير في مجالات مختلفة.3️⃣ إنك تحقق كل أهدافك في وقت قليل.4️⃣ إنك تبهر الناس.ستوب يا فنان كل ده مبيحصلش ومش هيحصل، عارف ليه؟لأن النجاح بالنسبة ليا غير النجاح بالنسبة ليك، ولو إنتَ فعلاً عايز تنجح كل اللي عليك هو السعي في طريقك وإنك تاخد بالأسباب.طول ما يومك فيه صلاة، أذكار، قراءة قرآن، بر لوالديك، دعاء، دي أول الخطوات اللي هتساعدك تنجح في حياتَك.أما بقى الشهادات الكتير مش مهمة أصلاً، لأنك ممكن تكون بتاخد الكورس من هنا ومش فاكر منه كلمة، فبالتالي إيه لازمة الشهادة؟ مفيش حاجة اسمها شروط النجاح في السعي للفلاح.لايك، وفيد غيرك بشير. 💚مريم عادل #باز_يجمعنا #مجتمعات_باز #مريم_عادل
نسخ الرابط
برغم إني عاشقة للقهوة، إلا إنها بتتعبني!☕تفتكر إيه السبب؟إني مثلاً بشرب منها كتير، أو بضيف ٣ أو ٤ معالق للفنجان، علشان أفوق وأركز زي ما بقول كل مرة، الموضوع في الأول كان عادي وبستمتع جدًا بفنجاني، وطبعاً لو قللت عن المقدار اللي متعودة عليه بصدع ومش بكون مركزة أصلاً.بعدها بفترة يلا نشرب قهوتنا وتبدأ الأعراض دوخة، ضربات قلبي سريعة، معدتي بتوجعني، هوب منعتها خالص.نجرب حاجة تانية طب نسكافيه يمكن الدنيا تتظبط، معجبنيش حسيته شاي بلبن في نفسه كدة.أسكت لا طبعاً نرجع نشرب قهوتنا تاني لكن المرادي بإعتدال، مع إضافة لبن لأنه بيقلل من تأثير الكافيين، فالموضوع ظبط معايا.القهوة بالفعل ليها فوائد كتير "بتساعدك على التركيز والانتباه، بتقلل من خطر الإصابة ببعض الأمراض، ليها تأثير مضاد للأكسدة" لكن كل حاجة زيادة عن حدها بتأثر بالسلب.اشربها بإعتدال تظبط لك دماغك.👌🏻 #مريم_عادل #اليوم_العالمي_للقهوة
نسخ الرابط