منذ سنة
منذ سنة
منذ سنة

البوست ده للي بيقولوا على خريجي أي كلية غير تربية وآداب واشتغلوا مدرسين، دخلاء! ((خريجي تربية وآداب اللي لغتهم قوية وفاهمين طرق تدريس ومكملين في رحلة التطوير المهني أكيد أكيد بيفيدوا الطلبة و تحية احترام وتقدير ليهم.. أنا لم ولن أعمم وما قولتش إن غير ال متخصص أفضل.. أنا بقول إن مش شرط غير المتخصص يبقى دخيل)) الكلام لو على الشطارة والغيرة ع المهنة عشان بعض غير المتخصصين فاشلين أو بينطقوا غلط.. فأنا موافق على وصف دخلاء! بس لو نسبة المتخصصين اللي بينطقوا غلط و بيشرحوا غلط حقيقي أكبر.. تمام يعني؟! كدة مبقوش دخلاء؟! والأخوة المتفذلكين اللي بيتسألوا هل ينفع آخد كورس طب وادخل أعمل عملية؟هل حضراتكم بتفهموا أكتر من جامعة كامبريدچ مثلا؟! هل مؤسسة زي British Council مش فاهمين خطورة تعيين غير المتخصصين على حياة الطلبة وبيعينوهم عادي كدة؟! استأذنكم فكروا في اجابات مجموعة الأسئلة دي.. ان شاء الله ممكن توضح وجهة نظري.. هل خريجي آداب وتربية لغتهم قوية وبيتعلموا طرق تدريس صح في الكلية؟هل فعلا بيطلعو جاهزين لسوق العمل أكتر من الغير متخصص اللي لغتهم مستوى C1 واتعلموا طرق تدريس صح؟كم النسبة المئوية لخريجي تربية وآداب اللي متخرجين من الكلية مستواهم C1 لغة؟ وعندهم دراية حقيقية بطرق التدريس؟هل خريج تربية وآداب لو عمل انترفيو شغل هيعدي منه لو لغته ضعيفة وطرق تدريسه بالية؟هل لو خريج غير متخصص عمل انترفيو تدريس ولغته كانت C1 وعنده مهارات الشرح هيترفض؟ الواقع (مش أنا) جاوب الأسئلة دي كلها بنماذج حية..وارجو نبطل نقارن مهنة زي التدريس (سهل تعلم اساسيتها من خلال كورس) بمهنة شديدة التعقيد زي الطب و الهندسة.. تشريح بني آدم أو تصميم مبنى، مختلف تماما عن شرح قاعدة جرامر ممكن تعملها أمي البسيطة عشان تساعدني.. كتب طرق التدريس موجودة ومتاحة وكورسات ال #TEFL وال #CELTA متاحة أيضا..و هل فيه كورس بيعلم الطب في جامعة بحجم كامبريدج وهل فيه مستشفى كبيرة هتقبل حد غير متخصص في الطب؟ طبعاااااااا لا.. فياريت نبطل نسأل السؤال الساذج ده بقى أرجوكم! هل بقى العكس موجود في التدريس؟ طبعاااااا آه.. الطب لا يتعلم من خلال كورس.. الهندسة لا تتعلم من خلال كورس.. التدريس له طبيعة مختلفة.. وده بيجعل التشبيه غير منطقي.. وإلا مكنش ال British Council شغل ناس من خريجي سياحة وتجارة وحقوق وصيدلة.. الخ.. طالما انطبقت عليهم الشروط.. لغة قوية و إلمام بطرق التدريس الحديثة..المدرس القوي النافع للطلبة محدش هيدور على شهادته الجامعية المتخصصة غير مدام عفاف في مجمع التحرير.. انما الطالب عايز اللي يعلمه ويفيده، متخصص بقى خير وبركة.. غير متخصص، بردو خير وبركة! الدنيا بتتغير يا جماعة.. بقى فيه كورسات في جوجل و Linkedin و Futurelearn و غيرهم كتير ممكن يبنولك كارير محترم محدش هيبصلك في لقمة عيشك فيه بالشكل اللي بيحصل في التدريس ده!وعشان كلامي يبقى منطقي وعملي.. أي حد لغته قوية وعايز يدخل مجال التدريس.. أنا هقف جنبه وساعده كمان يلاقي شغل.. لأن الواقع بيتغير والفكر اللي بيربط التخصص بالنجاح من منظور ضيق.. انتهى.. الواقع حقيقي أتغير..🔻 أول خطوة تعملها إنك تقرأ البوست ده بتمعن.. https://www.baaz.com/post/63fdce8e538c274a492c396cدمتم بخير 💚

منذ سنة
منذ سنة
Bazz Logo Download

مستخدمي باز الأوفياء، نودعكم بتاريخ 30 حزيران 2024

رسالتكم الأخيرة من إدارة باز والمزيد من المعلومات

تم نسخ الرابط بنجاح تم نسخ الرابط بنجاح
لقد تم ارسال الرمز بنجاح لقد تم ارسال الرمز بنجاح