نسخ الرابط
Mohamed Mostafa
الحساب الرسمي | للكاتب / محمد مصطفي جدو كاتب و شاعر عاميه مصريه ♥️"نكتب لنبقى حين نذهب"♥️
الإنسان مينفعش يحب في أسبوع ولا في شهر ولا حتي في سنة .الحب عاوز مشاكل ، عاوز أزمات ، عاوز تعب ، عاوز فترات سيئة ومواقف بشعة ، عاوز عشرة طويلة عشان يبقي حب .يعني بأختصار " الحب يبدأ عندما ينتهي الحماس "مينفعش تقول إنك بتحب البحر وأنت واقف لسه علي الشط .. لازم تنزل البحر ، تعوم فيه ، تضربك الموجات ، تبلع ميه مالحة ، تجرح رجلك بالصخر ، تشوف العتمة اللي في القاع ..لما ترجع ع الشط هتشوف البحر بشكل مختلف ، مش هتشوفوا مثالي ، إنت شوفت عيوبه وظلامه وغضبوا ، يا أما هتكره البحر ، يا إما هتفضل تحبه بكل حاجه فيه ..لهفه البدايات مش حب يا جماعه واللي ما غاصوش فـ البحر .. ماحبهوش ! #محمد_جدو #ضع_بصمتك
شوفت فيديو لـ واحده بتقول بلاش تركز علي العيوب اللي شايفها في شكلك قدام شريك حياتك أو الناس القريبة منك عموماً .و كنت حابب اقولكم أن لو حالات عدم الأمان بتاعتكم زادت واحده جديده و هي إنك تخاف تحكي للشخص اللي في حياتك لـ يأذي مشاعرك و يعايرك في يوم ، فـ انتوا في المكان الغلط . لان الـ comfort zone اتسمت بالإسم ده عشان هي المكان الوحيد اللي بيدعمك و كل ما تركز علي عيوبك يفكروك انها حلوه و أنهم شايفينك احلي حد في الدنيا و تستاهل الجميل من كل حاجه ، و لو مش بيحسسوك بـ ده ف للمره التانيه انت في المكان الغلط . #محمد_جدو #ضع_بصمتك
نسخ الرابط