لقيته متكتف من رقبته وايديه ورجليه بسلاسل حديد قويه جدا ، رفع راسه وبص ناحيتي ، كان وشه شبه القرود ، و عنيه حمرا وطالعله قرنين صغيرين اوي في راسه ، لقيت نفسي غصب عني بقرب ليه ، فضلت اقرب لحد ما بقي بيني وبينه خطوتين اتنين ومره واحده وبدون مقدمات هجم عليا ، حاولت ارجع بضهري بس ملحقتش ووقعت علي الارض ، نط نطه كبيره ونزل بكل تقله في بطني ، حسيت ان ايدي ورجلي تقلت جدا ، بصيت عليهم لقيتني متسلسل معاه بالسلاسل الحديد ، حاولت اتحرك بس مقدرتش ، وفجأه السلاسل دي بدأت تسخن ، كانت بتسخن لحد ما بقت عامله زي النار ، صرخت من الالم والوجع اللي حسيت بيه ، وفجأه سمعت صوت خشن اوي وتخين في عقلي بيقول كلمه واحده ، الخلاص الخلاص ، وبعدها سمعت صوت تاني بينده علي اسمي ، ادهم يا ادهم ، حاولت اركز في الصوت الغريب ده ، ده مش الصوت التخين اللي سمعته ، ده صوت تاني ، ده صوت جدي ، انا عارفه كويس ، بس صوت جدي ازاي بقي هنا ، وفجأه حسيت ان في حد بيهزني جامد وهو بيقول ، ادهم ادهم ، فتحت عيني براحه وانا جسمي كله بيوجعني ، بصيت في وش جدي لقيته متوتر جدا ، سالني ايه اللي حصل انت كويس ، هزيت راسي وانا سرحان بفكر في اللي حصل وقولتله ، مفيش يا جدي انا كويس ، وقمت من مكاني وانا بحاول اتوازن ومقعش ، وبرغم اني عيل صغير بس اللي حصلي في اليوم ده كبرني ، انا حسيت ان ادراكي كبر عشرين سنه حته واحده ، قام جدي ورايا ودخلنا اوضتي ، قعدت علي السرير وانا بحاول ابقي طبيعي ، بس للاسف كنت حاسس اني مش طبيعي ، كان في حاجه غريبه حاسس بيها ، كنت حاسس اني مش لوحدي ، كنت حاسس بنعاس غريب ، كنت عاوز انام بطريقه مش طبيعيه ، زي ما اكون واخد حبوب منومه ، جدي قالي افرد جسمك علي السرير ، واول ما فردت جسمي رحت في النوم ، وحلمت اني قاعد في نفس المكان الضلمه اياه ومتسلسل زي القرد اللي شفته في الحلم لما كان مغم عليا ، بصيت قدامي لقيت الكائن اللي شفته قبل كده ، كان باصص ناحيتي وواقف علي رجليه والسلاسل بتاعته مفكوكه مفيش الا سلسله واحده مربوطه ، ملفوفه حوالين ايده وطرف السلسله التانيه ملفوفه حوالين ايدي انا ، بصيتله وانا بترعش من الخوفالجزء الاول من هنا 👇👇https://youtu.be/uz4ZX8VHOB8الجزء الثاني من هنا 👇👇https://youtu.be/98RfKtOlsq8الجزء الثالث من هنا 👇👇https://youtube.com/shorts/yYwENdH7WJA?feature=share
نسخ الرابط
الجزء الثاني من قصه الرعب زراديشكانت بتحب ماما جدا وبتحبني جدا ، بس مكنش عندها اولاد عشان العب معاهم ، يمكن ده السبب اللي خلاها تحبني ، وفي يوم بابا وماما كانوا رايحيين للدكتور عشان تتابع الحمل ، يوميها عرفوا ان الجنين ولد ، وان هيبقي ليا اخ صغير ، وكانوا سايبيني عند طنط صابرين ، بس وهما راجعين للبيت ، بابا كان سايق عربيته وجمبه ماما ، سواق تريلا كبيره خبط فيهم خبطه جامده ، بابا اتوفي في ساعتها ، وماما اتوفت بعده بحوالي يومين ، الله يرحمهم ويحسن اليهم ، وبقيت يتيم ، يتيم الاب والام ، واتنقلت لجدي عشان يرعاني وياخد باله مني ، والموضوع ده مكنش مشكله بالنسبه لجدو ، جدو كان غني اوي ، كان عايش في شقه كبيره اوي في مكان اسمه عابدين ، وانا رحت اعيش معاه ، جدو جهزلي اوضه في البيت ، كان بيقولي انها اوضه بابا الله يرحمه ، ساعتها غير العفش كله ، جابلي اوضه نوم جديده وملاها لعب ، ونقلني من مدرستي لمدرسه احسن منها بكتير ، كانت الشقه كبيره اوي ، خمس اوض كاملين ، اوضه النوم بتاعتي ، واوضه النوم بتاعت جدو ، واوضه صالون ملهاش اي لازمه من وجهه نظري لان مكنش حد بيزورنا ، واوضه تانيه فيها التليفزيون ودي اللي كنا بنعد فيها واوضه مكتب جدو ، والصاله الكبيره ، والشقه كان فيها حمامين زي الشقق القديمه ، حمام فيه التواليت وحمام تاني للحموم والغسيل وباقي الاستخدامات ، جدو كان طيب اوي وحنين عليا ، كان مدلعني جدا وكل طلباتي مجابه ، كان دايما يقولي انت ربنا عوضني بيك بدل ابني اللي اتحرمت منه وهو صغير واتحرمت منه لما كبر ، كنت بحب جدو جدا عشان كانت العيشه معاه مريحه ، كان بيقدملي كل حاجه محتاجها ، حنان وحب ومراعيه وفلوس ، مكنش بيستخسر فيا قرش ، كان دايما بيقولي انا بعوض ابوك فيك ، انا زي اي طفل لما شفت حنيه جدو عليا حبيته ، مكنش يهمني ايه المشاكل اللي كانت بينه وبين بابا ، اهم حاجه انه بيحبني ، انا مكنتش اعرفالجزء الاول من هنا 👇👇https://youtu.be/uz4ZX8VHOB8القصه كامله هنا 👇👇https://youtu.be/98RfKtOlsq8
نسخ الرابط
زراديش ) قصة كاملة " انت شكلك غريب اوي ، زي متكون مش لوحدك ، انت لازم تزورني " الجمله دي قالهالي واحد انقذ حياتي ، ولو مش مصدق تعالي احكيلك الحكايه من اولها ، انا اسمي ادهم خالد مجدي ابو الانوار ، وابو الانوار ده مش لقب العيله ، لا ده صفه ، صفه كانت لجدي الله يرحمه ويسامحه ، وبقت بعدها صفه ليا انا ، انا حكايتي صعبه شويه ، طفل زي اي طفل صغير ، ابويا كان شغال محامي ، كان محامي كبير ، الاستاذ خالد مجدي كان اسمه بيسمع في كل محاكم مصر ، ووالدتي الدكتوره امل حسين ، دكتوره نسا وتوليد ، ابويا اتعرف علي امي في فرح واحده قريبتها ، بابا كان صاحب العريس وهي تبقي قريبه العروسه ، شافها في الفرح اتهوس عليها وحبها ، واتقدملها وفي خلال ست شهور كامله كانوا اتجوزوا ، جدو ابو ماما اتوفي بعد الفرح بفتره قصيره حوالي سبع شهور ، امي كانت حامل فيا وقتها ، وتيته ام ماما متوفيه من زمان ، وماما مكنش ليها غير اخ واحد متجوز وعايش في اوروبا ، اما بابا فكانت تيته امه متوفيه وهو في سنه رابعه كليه ، اما جدو ابو بابا عايش بس مكناش بنقابله كتير ، لان جدو كان مطلق تيته وبابا صغير ، انا معرفش سبب الطلاق وعمر ما حد حكالي ، فكانت حياتي كلها بابا وماما ، انا جدو ده مشفتوش غير مره واحده وانا عندي اربع سنين ، ومره سألت ماما ، قولتلها هو جدو مبيجيش يزورنا ليه ، ردت وقالتلي ان بابا وجدو في بينهم مشاكل ومبيكلموش بعض ، وتعدي السنين واوصل ست سنين ، ساعتها بابا وماما قرروا انهم يجبولي اخ او اخت ، وعرفت ان ماما حامل ، كانت تعبانه جدا في الفتره دي ، مكنتش بتقدر تقف علي رجليها من التعب ، وكان لينا جارتنا اللي ساكنه في الشقه اللي قصادنا ، طنط صابرينالقصه كامله هنا 👇👇https://youtu.be/uz4ZX8VHOB8
نسخ الرابط
#دعاء العشره الاواخر من رمضان ربنا يتقبل منا ومنكم صالح الاعمال(( اللهم إنى اعوذ بك من زوال نعمتك وتحول عافيتك وفجأة نقمتك وجميع سخطك.. اللهم أني أعوذ بك من جهد البلاء ودرك الشقاء وسوء القضاء وشماتة الأعداء)). «اللهم سخر لي جميع خلقك كما سخرت البحر لسيدنا موسى -عليه السلام-، وألن لي قلوبهم كما ألنت الحديد لداود -عليه السلام-، فإنهم لا ينطقون إلا بإذنك، نواصيهم في قبضتك، وقلوبهم في يديك تصرفها كيف شئت، يا مقلب القلوب ثبت قلبي على دينك، ياعلام الغيوب أطفأت غضبهم بلا إله إلا الله، واستجلبت محبتهم».يَا رَبّ كَمَا أَلَنْت الْحَدِيد لِدَاوُد ، أَلِن لَنَا مَصاعِب الْأُمُورِ وَ سَخَّرَ لَنَا الْأَرْضُ وَمَنْ عَلَيْهَا ، اللَّهُمَّ إنَّا نَسْأَلُكَ فِي هَذَا الْيَوْمِ رَحْمَةٌ لِكُلِّ مَيِّت وتفريجاً لِكُلّ هُم وَاسْتِجَابَة لِكُلّ دُعَاءٌ وَشِفَاءٌ لِكُلِّ مَرِيضٍ وَغُفْرَان لِكُلِّ ذَنْبٍ ورزقاً لِكُلّ مُحْتَاجٌ ، اللهُم اغفر لي ما قدمتُ وَمَا أخرتُ وَمَا أسررتُ وَمَا أعلنتُ وَمَا أسرفتُ وَمَا أَنْتَ أعلمُ بِه مِنِّي أَنْت المُقدِّمُ وَأَنْت المُؤخرُ لَا إلَهَ إلَّا أَنْتَ.
نسخ الرابط