نسخ الرابط
محمد رياض
ربنا آتنا في الدنيا حسنة و في الآخرة حسنة و قنا عذاب النار
منقووووولالنهاردة كان عندى ميعاد الساعة ٩.٣٠ صباحا فى نادى سبورتنج..على بعد ٢٠٠ متر من بيتى فى محطة ترام..قررت اركب الترام بدل وجع دماغ السواقة و النرفزة..خصوصا ان الميعاد ده الترام يفترض يكون فاضى..ركبت الترام فعلا..و فعلا فاضى تقريبا..قعدت جنب الشباك و فتحت نص الزجاج اللى جنبى(ترام اسكندرية زجاجه جرار sliding )..الترام فضل فاضى لغاية محطة سيدى جابر..فاضل محطتين فقط و اوصل سبورتنج..الترام اتزحم..جلس قدامى راجل متهيألى فى اواخر الاربيعنات..و مرة واحدة قام فاتح الزجاج من ناحيته بحيث قفل عندى تماما..بصيت له و قولت له:؛خليه فى النص(الزجاج يعنى)..قال لى انا حران و براحتى..قلت له براحتك دى فى بيتكم..الازاز يتفتحاييييه...عايز اييييهمش حاااافتحه...هووووو كده!!!!و انفجار عصبي رهيب و للصراحة غير متوقع..فى العادى بتاعى كنت حآخده على أد عقله او ارد رد يحرجه بس و حأراعى ظروفه و سنه..معملتش كده..هزأت كرامة اهله!!!و شوية كان ممكن امد ايدى عليه..الترام اتلم بيتفرج..بس محدش بيحاول يخلص او يسكتنا او له دعوة..ده مش العادى فى انفعالات المصريين عموما..لازم تلاقى اللى بيهدى و اللى بيحوش و اللى بيفتي و اللى بينصح..انما سكتم بكتم دى جديدة عليا..المهم الراجل خد الكلمتين و سكت..بمعنى حقيقي اتقهر..انا ياللى مش طايقة حسيت به..قعد مبلم و فتحت الازاز و بأبص فى عينيه مستنيه يفتح بقه لقيتها مليانة دموع..فهمت..هو مش بيرد كان عليا..هو مشكلته مش مع الازاز مفتوح كله و لا نصه..هو مضغوطهو جاب آخرههو مش عارف يعمل ايه..ما بقتش عارف اتصرف ازاى!!!ما انا لو طبطبت عليه ممكن يفهم انى خفت او غلطان و معرفش رد فعله..رد فعلى الوحيد اللى عملته انى نزلت محطة كليوباترا بدل سبورتنج..محطة بدرى يعنى..و انا ماشي فكرت..طيب ما برضه ده مش العادى بتاعى..انا كان ممكن بكل بساطة ابص له من فوق لتحت و اغير الكرسي..اقوم اقف..كلها محطتين ترام!!استحمل و اطنش و اكبر عقلى..معملتش انا كمان كده..انا كمان رد فعلى انفعالى جدا و ده معناه انى انا كمان مضغوط..إن كان انا اللى ربنا ساترها معايا من فضله و الدنيا لسه ماشية بفضل الله و قادر اواجه ظروف البلد اللى زي الزفت و انفعلت كده و عليت صوتى و شتمت و هزأت راجل كبير..امال الراجل ده بقى ظروفه ايه؟؟الناس اللى اتبهدلت و مش قادرة ظروفها ايه؟؟الناس اللى مش قادرة تصد على طلبات بيتها و عيالها ظروفهم ايه؟؟امتى حتيجى اللحظة اللى حينفجروا فيها؟؟امتى حييجى دورى؟؟اكتئبت..انا مش غلطان بس عايز اقول للراجل انا آسف..انا آسف مش علشان انا غلطان..لأ..انا آسف انى ما فهمتش حالتك و ظروفك..ترام اسكندرية ده مجتمع تانى..لازم اى حد مسئول من حين لآخر يركب المواصلات العامة..لازم يشوف الناس الحقيقيين و الظروف الحقيقية و كلام الناس الحقيقى..البدلة و الكرافت و السواق و التكييف بيعموا البصر و البصيرة..انا آسف يا حاج..حقك عليا..بكرة ان شاء الله نفتح ازاز البلد كلها..و نتنفس و نضحك و نتعاتب و نساع بعض..حقك عليا... #الحق_الخير_العدل
نسخ الرابط
بيان دار الإفتاء المصرية،،لسنة ١٩٥٧ئسئل فضيلة الأستاذ الشيخ حسن مأمون مفتي الديار المصرية سؤالين هامين عن زيارة الأضرحة والتوسل فأجاب فضيلته بما يلي:س1 - ما حكم الشرع في زيارة الأضرحة - أضرحة الأولياء - والطواف بالمقصورة وتقبيلها والتوسل بالأولياء؟ج1 - أود أن أذكر أولاً أن أصل الدعوة الإسلامية يقوم على التوحيد والإسلام يحارب جاهداً كل ما يقرب الإنسان من مزالق الشرك بالله. ولا شك أن التوسل بالأضرحة والموتى أحد هذه المزالق وهي رواسب جاهلية فلو نظرنا إلى ما قاله المشركون عندما نعي عليهم الرسول
نسخ الرابط