محمد نسمان

بيوتنا مش مال معوض، بيوتنا فيها تفاصيل حياتنا اليومية بكل هدوئها وصخبها وروتينها وهمسنا وريحتنا وذكرياتنا وهدايانا وكتب أولادنا وملابسنا وألبوم الصور وأسرارنا الصغيرة الهبلة.بيوتنا مش من حجر، بيوتنا منا من لحمنا وتعبنا وأحلامنا وعمرها ما بتهون ولا بتتعوض، ممكن تبني غيرها -على صعوبة الفعل - بس عمرك ما راح تعوض اللي كان لأنه البيت مش مال معوض، البيت حضن من الطمأنينة ورائحة صعب جدا تعيد تركيبها .. حسبنا الله ونعم الوكيل

‏بيتنا راح !‏ما لحقت أشبع منه! طب ما ودعته ! غرفتي لسا من جديد دهنتها وزبطتها ما فرحت عليها ! طب اغراضي ما أخدتهم ! ذكرياتي !‏كل شي راح صار رماد !!

أنا خصيم كل متخاذل أمام الله يوم القيامة ، كيف رح تقدروا تتحملوا خطايانا كلنا !! إحنا و أهالينا وشبابنا ونساءنا وأطفالنا كيف !