close

رسالتك النهاردهإوعى تبطل إنسانيتك أو إنك تبقى شخص جميل و بيهوِّن على إللى حواليه ، لمجرد إنك مش لاقى التقدير المناسب ..إنت دايماً عندك إختيار تغيير المكان إللى بتصُب فيه جمالك ، لكن تبقى وقعت فى الفخ لو إنت ذات نفسك إتغيرت !الجمال الغير مُبرر و المفاجئ إللى بتديه لحد ، مسيره يتردلك برضو من أغرب ناس بعيدة عن فكرك ..إنك فى وسط شكوكك بإن تحجُر القلوب هو الطريقة السليمة لإنك تعيش زى ما العالم بيوصلك ، تكون إنت الإجابة بالنفى .. تكون إنت الدليل على إن لسة فى مساحة للجمال و الطبطبة !تكون إنت المُنقذ لشخص لسة بيعافر أفكاره السلبية و قلبه بيحاربه عشان يقسيه ، و تكون مرآيا تكشف مدى قبح إللى إستسلم للسواد .. إنك إنت الشخص إللى قطع دايرة الأذى و وقف عشان يغير مسارها !إوعى تستقل أبداً بتأثير شخص واحد ، إننا كلنا متصلين ببعض بطريقة عجيبة .. و الخير إللى بتزرعه فى أرض غيرك ، مسيره يطول أرضك من حد و فى وقت مش متوقع 💙

close
الدين والحياة
المشرف Mohamed m  • 

لا توجد تعليقات حتى الآن!

كن أول من يعلق على هذا المنشور

تم نسخ الرابط بنجاح تم نسخ الرابط بنجاح
لقد تم ارسال الرمز بنجاح لقد تم ارسال الرمز بنجاح