#متخيل إيش يعني تصحى من الساعة 5 الصبح عشان تكون أول 50 واحد بطابور الخبز !!متخيل إيش يعني تمشي فوق الـ6 كيلو عشان تعبي جلن مية حلوة أو مالحة مهو مش حيفرق كتير !!متخيل إيش يعني عشان تشحن جوالك تروح لاي حد عنده طاقة شمسية تحكيله لو سمحت تشحنلي هالجوال نص ساعة ويا دوب تشحنلك 20% وتحط جوالك أقصى توفير للطاقة إلي عمرك بحياتك ما حطيته عشان تخلي جوالك يكمل اليوم !!متخيل إيش يعني تروح ع السوبر ماركت تضلك تلف تلف تلف وتتشهي الطبخة لكن تشتري بالأخير علبة جبنة لأنه أصلا ما عندك غاز تطبخ !!متخيل إيش يعني الساعة 7 المساء بتعمل بالناس !؟متخيل إنك عايش لحد هادي اللحظة 💔متخيل إنه إلي انت عايشه هذا واقع مش خيال !؟اه والله ...