الوضع في غزة كل يوم بيختلف عن اليوم اللي قبله، مش قادر أتخيل ملامح الحزن على وجوهنا، إحنا بطلنا قادرين نشوف أشكالنا ..؛ الهالات السوداء تحت عيونا شكلها مُخيف، أطفالنا صاروا يخافوا من أي صوت عالي، صاروا يفكروه قذيفة أو صاروخ، إشتقنا لأيامنا القديمة، إشتقنا لبيوتنا وشوارعنا، كل م بشوفني حدا بيعرفني بقلي مالك ضعفان، مالك متغير.. إحنا بنعاني كتير، الجبال اللي حاملينها فوق ظهورنا تقيلة، انا مش عارف لمتى رح نضل نتألم، كل شوي خبر عن فقد حبيب أو صاحب إلنا، ما حدا يطلع الوضع خطير، ما حدا يطول بالسوق، هددوا بيت جنبنا، هددوا برج بمربعنا، مجزرة ٱخر الشارع، قصفو مستشفى، مدفعية جنب خيم النازحين، رموا مناشير كله يطلع من المنطقة، إتّصلوا على التليفونات يأمرونا بالإخلاء، ولا حدا يتطلع من الشبابيك، ديروا بالكم في القناصة هناك، تعبنا من كل هالخوف والشقى والرعب اللي بنعيشه كل دقيقة باليوم .. متى بدو يخلص هالكابوس..!! متى !!؟ بالسلامة يا غزة ❤️🩹.