اللايف اللي اتطلَب مني كتير ♥️لايف بكره بإذن الله هيكون عن حفظ القران الكريم ')كل سؤال يخطر علي بالكم يخص الحفظ اجابته جوا بإذن الله 🫶ازاي احفظ ، احفظ امتي ، المراجعه ، نوايا الحفظ ، مزايا الحفظ ..الخده لينك اللايف: https://myapp.baaz.com/feed/687Lاللايف هيكون بكره الساعه ١٠ مساءًا ، اللايف مش هيتعوض ومش بيتسجِل فـ بجد اللي مهتم يفضي ساعه من وقته ويحضره في الميعاد بإذن الله 🌸هستناكم ~
ياتبدأ دلوقتِ يامش هتبدأ خالص!الجُمله اللي برددها وبحطها ادامي في كل مكان:)) لو قررت ابدأ قراءه ومبدأتش اول صفحه دلوقتِ مش هفتح الكتاب ابدًا ..لو قررت العب رياضه وملعبتش حتي ٥ دقايق اول ماخدت القرار مش هلعب ابدًا ..وهكذا في كل حاجه تقريبًا 💆🏻♀️متستناش اول الشهر ، اول الاسبوع ، اول اليوم ، ولا حتي ساعه معينه 🤏🏻لو عايز تبدأ فعلًا ، ابدأ حالًا ♥️ #تنمية_وردية ~
نسخ الرابط
مشاكلنا مع التخطيط ان ديمًا فيه مشكله توقفنا ')يابنمشي حلو اوي في الاول وبعدين بنعطَل ..يابنعمل خطه حلوه اوي بس زيرو تنفيذ ..يامش عارفين نخطط اصلًا وبنلوِش علي الورق وزي ماتيجي ..ومينفعش ده كله يبقي موجود ولولو موجوده ، لايف الخميس "بكره" هيكون عن اسرار التخطيط وهخلي كل واحد فيكم يعمل خطة الشهر بتاعته وهو معايا لايف بإذن الله ♥️! اللايف بكره الساعه ١٠ بليل 🫶ده لينك اللايف هندوس عليه ونعمل تذكير عشان يفكرنا بالميعاد : https://myapp.baaz.com/feed/nkKX
نسخ الرابط
ملخص لايف "ضبط النفس" ♥️أولًا ضبط النفس رحله مش خطوه هنوصلها ، فـ انا هديك الحاجات اللي تساعدك في رحلتك لكن مش هديك مفتاح يخليك تعيش طول الوقت ماشي مظبوط "ده مش طبيعي"ثانيًا للتوضح ضبط النفس هو جهاد النفس ، وعارفين إن اعظم جهاد جهاد النفس لإنه فعلًا صعب وتقيل فـ المريح في الموضوع ان ليك اجر علي مجاهدتك طول الوقت بإذن الله ') وقبل ماأقول نصايحي في الموضوع ده ، كلامي ده لا كلام كتب ولا كلام علمي ولا كلام تنميه بشريه دي حاجات جربتها معايا ومع كذا حد وظبطِت فـ لو مش متفق مع كلامي عادي جدًا تقدر تجرب نصايح تانيه 🤝🏻١- النفس عامله زي الطفل الصغير مافيش طفل بيحب يروح الحضانه او بيحب ياكل اكل صحي مثلًا ، وطبيعي يبقي طول الوقت عايز يرتاح ويلعب ويضيع وقت ، لو أمه "اللي هو انتَ" سابته يعمل اللي هو عايزه هيضيع وعشان كده لازم يكون فيه شده ولين في التعامل ، مش كل حاجه نفسنا عايزاها بنقولها اه ولا كل حاجه بتطلبها بنقولها لا ، هنعمل توازن ، وعشان هوانا ديمًا مودينا للراحه والكسل والنوم فـ هتخالف هواك "بالاجبار" أيوه عافيه ذوق 😂 ..محدش بيشتغل علي طول بمزاجهمحدش بيدرس علي طول بمزاجهوطبيعي يجي علينا وقت نقول للطفل ده لأ لازم نعمل كذا حتي لو بالعافيه! وده بسميه الالتزام بالمسؤوليه عشان كده مينفعش يكون عندي مذاكره وبدل ما الزم نفسي بالدراسه اهرب منها بشماعتنا اللذيذه " فاقده الشغف! "٢- الصبر عصر السرعه بقينا عايزين كل حاجه من بسرعه ، كيكة الخميس دقايق ، ازاي تنجح علي بكره الصبح بالكتير ، غير شخصيتك ١٨٠ درجه في نص ساعه ، كيف تصبح مليونير علي الخميس الجاي ..الخ من اللي بنشوفه كل يوم ، وده خلانا بقينا متلهوجين علي كل حاجه ، بنصلي بسرعه ، بناكل بسرعه ، بنذاكر بسرعه ، حتي النتايج عايزينها بسرعه ودي من اهم اسباب عدم الاستمراريه.ايه الحل؟ الصبر بالتصبرهنمارس الصبر ، هنحاول نعمل كل حاجه في حياتنا بإتقان ، وهنبدأ بالروتين ، هنصلي بهدوء ، هنمضغ الاكل كويس "مهم لصحتك" ، هنصبر علي النتايج ونركز في السعي ، هنذاكر بإتقان وهكذا وده من رأيي مهم جدًا في ضبط النفس 🌸٣- دافع قوي لكل فِعل لو انتَ فاكر انك عشان تقوم تعمل حاجه هتعملها عشان مضطر بس تبقي بتضحك علي نفسك ، لازم يكون عندك اسباب تقنع بيها نفسك عشان تقدر تقوم وتسعي وتكمل ، فـ ضروري تحط اسباب قويه لكل فعل محتاج منك مجهود عشان تقدر تبطل انتخه وتقوم تكمل اللي وراك 👍🏻٤- مكافأة وعقاب الحياه فور فري ملهاش لازمه ، ومن آمن العقاب ساء الادب يبقي ايه الحل؟ خلصت اللي وراك وبقيت اشطر كتكوت كافئ نفسك ، واوعدها قبل ماتبدأ اي حاجه مش طايقها ولو ينفع تكلم نفسك كلمها "يلا بينا نخلص كذا وانا هدلعك بأحلي مكافأه" ، واياك توعد نفسك وتخلف ، انا قولتلك ده طفل ولو فقد ثقته فيك مش هيصدقك بعد كده خد بالك 🤏🏻لو مخلصتش؟ اكيد مش هنجيب الخرطوم ونترن علقَه 😂هنمنعه من حاجه بيحبها مش مجرد مش هنكافأه بس لأ ، انتَ معملتش اللي وراك مافيش قهوه النهارده ، مافيش مسلسل ، مافيش خروج وهكذا ، ومتتهاونش مع نفسك ، عشان لو حست إنك هفأ مستحيل هتعرف تسيطر عليها خليك شديد ، العقاب عقاب.٥- استوعب انك انسان وبتغلطانتَ مش عايش عشان تلتزم علي الخطه كامله "لو عملت ده يبقي برافو "ولا الهدف انك تجيب ١٠٠٪ انتَ لو عندك ٧ اهداف عملت منهم ٥ بس كافئ نفسك!عملت منهم ٣ عاقب نفسك وهكذا ..لو قريت ده كله ووصلت لحد هنا طمني ان تعبي مراحش فالارض واكتبلي دعوه حلوه 🎀 #تنمية_وردية ~
نسخ الرابط
مساء الخير 💗وأخيرًا بعد العديد من المحاولات بقي عندي جروب علي ابلكيشن باز اسمه تنمية الذات ، ده بقي هيبقي الركن الهادي بتاعي ، هشارك فيه بوستات لطيفه وصور دافيه كده ومحفزه ، كل يوم ٣ بوستات يعني دلع اوفر 😂🫶 ، متاح للجميع النشر فيه عشان نفيد بعض ومحتواه هيبقي مختلف عن هنا عشان منبقاش بنكرر المحتوي '))ده لينك الجروب بتاعي :https://myapp.baaz.com/feed/ViD6
نسخ الرابط