باز
Yasmin Tohamy

Yasmin Tohamy

Yasmin Tohamy

دورات تدريبية / جلسات فردية دعم نفسي/ دعم مهني للكوتشز "نساء فقط"

161
المتابعون
44
يتابع

بقالي حوالي ٧ سنين حياتي مابين كورسات بدرسها أو بقدمها أو بشارك فيها كفريق دعم وهكذا ...عارفين اكتر حاجة اتعلمتها اروح واجي واشوف اد ايه تأثيرها فارق ؟ محتوى درسته سنة ٢٠٠١ ..المحتوى ده هو أحكام التجويد ! تعلم احكام التجويد فرض عين على كل مسلم "يأثم تاركه لأنه حتما يقع في لحن جلي من حيث لا يدري"فضل تدبر تلاوة وحفظ أو حتى سماع كلام الله يكتب في الكتب .. طيب تعرفوا تأثير تعلم أحكام التجويد من أول منزلة التحقيق للحدر وبينهم التدوير تأثيره ايه وبيدرس في كورسات دلوقتي ؟ ورقة وقلم وعدوا معايا كده : ✔️تمارين النفس العميق اللي بنقعد ننهج علشان نحققها لمعالجة بعض المشاكل "النفسية" »هتلاقيها في إعطاء كل حرف حقه الزمني والمدود بأنواعها الجائز واللازم.✔️التحكم في حركات الفك واللسان والنفس واختيار مكان خروج الهواء مع كل مخرج »تحكم عضلي وتواصل ذاتي على أعلى مستوى فيها مايشبه تأثير بعض تمارين الاسترخاء العضلي العميق.✔️ نفس الشيء التنقل بين الحروف المرققة والمفخمة بما فيها من مطبق ومقلقل » تآزر بصري لشكل الحرف وسمعي لصوته مع الترجمة العضلية مرورا بتحكم عقلي وذهني بتركيز وانتباه عالي يطرد خلاله حالات التشتت والشرود وزوغان الأفكار مع الوقت.✔️التنقل بين علامات التشكيل بين كسرة وفتحة وضمة وتنويع وغنن بل ونسبة النفس مع كل غنة » تحكم دقيق بقياس واستشعار حساس.✔️ التركيز في الوصل والوقفات وكيفية الوصل في حالة القطع لإتمام المعنى »إعادة تقييم وتخطيط ومرونة باستخدام الموارد والقدرات ✔️ استقاء ايات الله مع الترديد على النفس مرة لتدريب على مخرج الحروف ومرة لاتقان سرد الآية بدون خطأ تروي النفس بالمعاني الداعمة والرادعة » التوكيدات الشرعية المخصصة لإدارة هذه النفس بما ينفعها.✔️وعي بالذات ،تواصل مع النفس،ادارة افكار، زرع موارد ومعتقدات،استخدام الإرادة في الإدارة الذاتية ...... الى ماشاء الله من فضل ونعمه يؤتيه الله من يشاء ✔️اللي يتعلم احكام التجويد يقدر يتكلم أي لغة بلهجاتها المختلفة بمنتهى السهولة نطق صحيح كأهلها .✔️لقراءة القرآن حلاوة وتأثير على النفس تجد اضعافها بتلاوته صحيحا خالي من أي لحن جلي كان أو خفي العجيب إن مهما حد اتقن الأحكام دي محتاج مايتقطعش عنها ليحافظ على المستوى اللي وصله التجويد هو رياضة الفك لحفظه من اللحن ولكنه والله هو رياضة للنفس يحفظ حركاتها وسكناتها ..ولو قعدت أحلل كل حكم فيه بيشتغل على إيه تحديداً وتأثيره النفسي والعضلي والعصبي يحتاج لمحاضرات مش مجرد بوست...اتعلموا التجويد مش علشان كل اللي انكتب ده أتعلموه لانه امر الله وأمر الله لايأتي إلا بالخير ..اللي انكتب ده بس علشان اقول اللي بتدوروا عليه اصلا موجود من غير لف ودوران كتير ومن غير مانطلب الأثر والتأثير فهو موجود ..مصممين نجهد ونجتهد في تطبيق اللي ببتطلب مننا تحت مسميات الكورسات والعلاجات ... وكل تفصيلة في ديننا والله ماقصرت في شيء وهي خير وأبقى ..ارجعوا احتسبوا النية فالله لا يُجرب ولكنه يعبد بحكمه ومراده وباليقين فيه.اصحوا بدري صلوا الفجر علشان فرض مش علشان نادي الساعة الخامسة صباحا قالك أن ده معاد صحيان الناجحين .. وهتبقى من المفلحين.اتعلموا تجويد علشان ده فرض مش علشان تحسن التنفس والنفسية »وتفسيتك بإذن الله هتتحسن .صلي الفرروض بحضور وخشوع علشان انت بين يدي الرحمن مش علشان تعمل تفرغ شحناتك الكهربية»وهتطلع منها مجدد شحنتك الإيمانية.صوم علشان دي عبادة تطلب بيها رضا الرحمن مش علشان الصيام صحة وبيخلص الجسم من السموم وبيخسس »وباذن الله يصح بدنك وقلبك.كل عبادة اعملها بإخلاص لله وتأكد أن لها من الخير الكثير على كل المستويات جهله من جهله وعلمه من علمه... ماتشغلش بالك ده هيكون أثره عليك إيه ،بكرة هتلمس الأثر ده لوحدك وفجأة.اصبر بس على نفسك مع الطاعة والعبادة فإن الله مع الصابرين.بتصدق انت علطول انك مهلهل والحقيقة انك معجزة في نفسك بس انت اللي مش دريان.. #إعادة_ضبط #ياسمين_تهامي #باز_يجمعنا

Bazz Logo Download

استكشف محتوى ممتع ومشوق

انضم لأكبر تجمع للمجتمعات العربية على الإنترنت واستكشف محتوى يناسب اهتماماتك

تم نسخ الرابط بنجاح تم نسخ الرابط بنجاح
لقد تم ارسال الرمز بنجاح لقد تم ارسال الرمز بنجاح