الشكوى المستمرة واللوم لنفسك ولغيرك مبيحلوش.. لكن انك تختاري تتقبلي أن الواقع مش بأيدينا ..وانه خارج سيطرتنا ده اللي بيخلي الواحد ياخد نفسه ويهدا ويرحم نفسه ويقدر يركز على اللي في ايده.. ساعتها بس هتقدري تركزي على الحلول #بسنت_حلمي
من أكبر النعم.. انك تكون مؤمن ان رأي الناس لا يمثلك.. وبعض الناس رأيهم له قدر وحكمة لكن برضه رأيهم لا يمثلك..اه مهم... لأن خبرتهم الحياتية مفيدة.. لأنك بتحترمهم وتقدرهم.. اه هتختار تتعلم منهم.. لكن في الاخر انت عارف انها حياتك لوحدك هتعيش وتموت لوحدك من غير ناس.. دي نعمة الحرية #بسنت_حلمي
💌 *﴿فعسى أن تكرهوا شيئًا ويجعل الله فيه خيراً كثيراً﴾*لو قال خيرًا لكفى .. فكيف وهو خير كثير!تفاءل مهما كان الواقع مؤلماًَ، فلا تدري ما بعده.. #وتركم_أحبتي 🌺
نوروني الأسبوع اللي جاي التلات الساعة ٨ م شكرا لحسن حضوركم دعواتكم يا طيبين❤️
جلسة كوتشينج لايف مع كوتش بسنت حلميالخميس 26 يناير الساعة 9.30 م بتوقيت القاهرة استنوني في جلسة كوتشينج بث مباشر ..اتمنى اسمع ملاحظاتكم على الجلسة واستفساراتكم..اللايف هيكون مفيد:°للكوتش او اي حد مهتم ازاي يتطور من امكاناته.. °ازاي يفهم نفسه ويتعامل مع احتياجاته بشكل سوي ومفيد؟°فضول يتعلم فنون الكوتشينج والملاحظة بشكل احترافي الجلسة هتاخد حوالي 30-40 دقيقة بعد كده هنسمع راي المستفيدة في الجلسةبعد كده السيشن مفتوحة لاسئلتكم واستفساراتكم ❤️ لينك الزووم هنزله قبلها على الفيسبوك
مستنياكم على باز .. هنأجل الميعاد ل ٩ م ان شاء الله انهاردة انتم اللي هتشاركوني خبراتكم اتعلمتم ايه من متابعتي الفترة اللي فاتت .. او اتعلمتم ايه من الحياة .. كل مداخلة هديكم ٥ دقايق لو سؤال ١٥ دقيقة .. هحاول نضبط ونحدد الوقت عشان ناخد اكتر عدد باذن الله .. مستنياكم 🥰https://myapp.baaz.com/feed/SjDr
جوايا كلام او اعتراف احب اشارككم بيه..مندمتش على قرار أخذته في حياتي حتى لو له تبعات سيئة .. لأني كنت دايما بستشير واستخير..غير اني ندمانة اني قاسية على نفسي جدا عند كل غلطة.. اه شيء مدمر للنفسية اكتر من اي علاقة ممكن تكون سامة..عارفين مقولة اعتزل ما يؤذيك.. تخيل لو حديثي مع نفسي مليان أذى.. قسوة وجلد.. كل ما اغلط.. اه من برة بدعي الهدوء لكن في جوا خناقة داخلية.. صراع يخلي تصرفات غير واعية مضرة وبالتالي بتنعكس على الدايرة اللي حواليا..عملية شاقة جدا اني تفكير والمنطق اني مستسلمة.. لكن حاجة جوايا شرسة بتاكل قلبي..كل ما مارست وتصبرت على عملية التقبل مع نفسي كل ما ارتضيت اسوء الظروف لأنها أقدار خارج ارادتي وقلبي صار أكثر اطمئنانا.. مش دوسة زرار.. لكنها عملية سعي مستمرة وحوار مع النفس برفق حتى تهدئ.. فرار إلى الله الرحمن الرحيم واستعاذة من الرجيم.. رفقا بأنفسكم وتوازنوا واضبطوا تصرفاتكم على ميزان الشرع.. الحياة مع الله أيسر كتير قلبا وقالباالموضوع ده محتاج حد متخصص.. تحديدا لو معرفتش تتعامل معاه بشكل فيه رفق مع النفسالحمدلله .. #بسنت_حلمي
نسخ الرابط