الصفر

- فترة "الميري" بتبوظ العلاقات الاجتماعية لأي شخص مهما كان هو مين ، بتخليك مكسل تعمل اي حاجة ، مكسل تحب ، مكسل تكره ، مكسل تخرج ، ومكسل تهتم بشكلك ، مكسل تسأل عن اقرب الناس ليك ، ده حتي بتبقي مكسل تعمل مشكلة مع حد كان سبب اذي ليك...- بتبقي ناسي و مسقط اسامي الناس اللي كانت قريبة منك في فترة من الفترات...- أهم المناسبات لاقرب الناس ليك مش هتعرف تكون معاهم فيها زي مثلا (فرح ، عزاء ، عيد ، الخ..- حتي لما بتنزل اجازة بتبقي دماغك مشغولة في اللي هيحصلك او اللي هيحصل معاك لما ترجع او ايه اللي هيقابلك ،، و علي ما بتبدأ تفوق بتكون اجازتك خلصت... - ظروفك المادية حرفيا بتبقي تحت الصفر لانك معندكش دخل غير الي كان معاك قبل ما تدخل-- لو ليك حد ف الميري اهتم بمشاكله و راعي ظروفه و اسمعله و خرجه او عالاقل فرحه بسؤالك الدايم عليه من فترة للتانية..- ربنا يسترها علينا و يكملنا بشوية العقل اللي مخلينا مكملين ومتحملين الغربة والضغط النفسي وحكم النفس عن النفس..