د_علاء_ثابت#
محمد ابني (10 سنوات) تحداني إني أحل مكعب روبيك وجدير بالذكر إن فيه حوالي 519 كوينتيليون احتمال للمكعب يعني 519 وقصادهم 18 صفر..تعالوا نشوف هكسب التحدي ولا محمد هيفضل يذل فيا لسنة قدام😅 #مكعب_روبيك #ألعاب_ذكاء #د_علاء_ثابت
بعض الأفواه حين تسكتها، فإنك بالأحرى تنشر صداها..وبعض الوجوه لا يمكن نسيانها، فهي باقية حتى وإن رحلت..إلى روحك السلام ورحماتٍ من الله تترىاستشهاد #شيرين_أبو_عاقلة #يوم_غائم_حزين #د_علاء_ثابت
٣ حاجات لو حطيتهم تحت رجلك، تعلى لفوق وتعيش مرتاح وحُر وهيجولك لحد عندك.. ولو شيلتهم فوق راسك وفضلت تجري وراهم، تعيش مضغوط وتفضل عبد ليهم وتنزل لتحت مهما ظنيت إنك عليت..ال ٣ حاجات دول هم: الكراسي والفلوس وكلام الناس. #د_علاء_ثابت
ما أرعبني حقًا لم يكن الجرح الذي سببته لي، بل كوني بقيت بعدها بجانبك ولم أستطع الرحيل.. #د_علاء_ثابت
كل انسان فينا –صغير أو كبير– محتاج علاقة واحدة في حياته تحسسه إنه مقبول تمامًا وبدون أي شروط.. مقبول بالحلو والوحش اللي فيه، بدون أي محاولات لتعديله أو الاستمرار في انتقاده وتأنيبه.. والعلاقة دي مش مقصود بيها علاقة بين ذكر وأنثى بس.. لكن أي علاقة انسانية.. علاقة بين أب وابنه أو بنته، علاقة بين أم وابنها أو بنتها، علاقة الجدود بالأحفاد، علاقة الإخوة ببعض، علاقة صديقين ببعض، علاقة حبيبين أو زوجين ببعض.. علاقة واحدة في كل دول كافية جدًا للإنسان إنه يقدر يتقبل نفسه ويتعايش معاها ويواجه بيها الحياة.. مشكلة المشاكل بقى لما الإنسان مايلاقيش العلاقة الواحدة دي في كل اللي حواليه.. ويلاقي نفسه قصاد مفترق طريقين.. يا إما يعيش منبوذ من كل اللي حواليه علشان عايز يعيش بنفسه الحقيقية اللي قابلها ومش عايز يغيرها.. يا إما يعيش محبوب من كل اللي حواليه علشان عايش بنفس مزيفة، متفصلة على مقاس كل شخص فيهم، وهو مش قابلها لأنه عارف إنها مش نفسه.. وفي كلا الحالتين بيكون خسران.. في الحالة الأولى كسب نفسه وخسر كل اللي حواليه، ومفيش انسان يقدر يعيش ويواجه الحياة لوحده.. وفي الحالة التانية كسب اللي حواليه وخسر نفسه، ومفيش انسان يقدر يعيش من غير نفسه.. محتاجين كلنا نقبل بعض زي ماحنا علشان نقدر نعيش.. #د_علاء_ثابت
نسخ الرابط