لقطه

الملف الأهم للإدارة من وجهه نظري هو إقناع بن شرقي للعودة من تاني وعند يقين ان اللاعب هيرحب في ظل وجود مجلس إدارة قادر يوفر متطلباته ، بالنسبة للفلوس ؟ انت قدامك بطولة الكونفدرالية لو ربنا كرمنا وحققنا البطولة خزينة النادي هيحصل لها انتعاش كبير غير رجال الأعمال اللي ممكن تساعد .. بن شرقي كان بمثابة منظومة كاملة ، شمولية رهيبة ، لاعب مساهم في كل مراحل اللعب ( بناء + تدرج + خلق فرص + إنهاء ) محتاج ايه تاني ؟ بن شرقي كان جناح خط وجناح داخلي ومهاجم تارجت أو مهاجم تاني أو كلاعب مسؤل عن خلق الفرص من العمق من مناطق متأخرة شوية أو كلاعب مساند ليك في عملية الخروج بالكرة والتدرج ونقلها لمناطق أعلي غير كم التفوق في مواقف 1on1 ، مسدد قوي بالرأس واعي لكل تفصيلة بتحصل في المباراة ، حتي المراوغات إيجابية مش مجرد لقطة شو للجمهور لا هوا قادر يراوغ ويقدملك حل إيجابي ليك ك تيم . ماشوفتش محترف دخل الزمالك في الفترات الاخيرة بنفس كفاءة أشرف بن شرقي .أسوء خبر كان رحيل بن شرقي ...

أكتر حاجة هتخليك تعيس وساخط على حياتك هي أنك تبص دايما للي أعلى منك، تبص لزميلك الأشطر منك، لصاحبك الأغني منك، تبصي لزميلتك الأجمل منِك، لقريبتك اللي متجوزة راجل لقطة من وجهة نظرك مقارنة بخطيبك أو زوجك، للي شغال أحسن منك وحياته مرتاحة عنك... إلخ.كل مرة من دول هترجع منها حزين ويائس وقانط .. بس ولا مرة الشيطان المــلعون هيخليك تبص للي أقل منك فتحمد ربنا، ولا مرة هتشوف اللي بيحلم بربع حياتك، ولا مرة هيوريك الناس اللي بتتمني بس تمشي على رجلها أو تاكل بدون ألم او تدخل الحمام لوحدها بدون ما تحتاج حد معاها .. هيفضل الشيطان يشغلك باللي في ايد غيرك، ف عمرك ما هتشوف قيمة اللي معاك!قال حبيبي ﷺ: انْظُرُوا إِلَى مَنْ هو أَسفَل مِنْكُمْ وَلا تَنْظُرُوا إِلَى مَنْ هُوَ فَوقَكُم ؛ فهُوَ أَجْدَرُ أَن لا تَزْدَرُوا نعمةَ اللَّه عَلَيْكُمْ.