محمد_فتحي#
واحنا بنتخانق في بيوتنا.... رد الفعل مهم زي الفعل.مش معنى ان الطرف اللي قصادك غلط وان هو اللي بدأ المشكلة .. إن ده يديك الحق إن تاخد أي رد فعل انت عاوزه وبأي مستوى وانك تصلح الغلط بغلط. رد الفعل هو كمان بيحدد حجم المشكلة وبيحدد ابعادهارد فعلك ممكن يساعد في حل المشكلة....وأحيانا رد الفعل بيبقى بعد كده ركن أساسي في المشكلة .عشان كده النبي صلى الله عليه وسلم أمرنا بعدم الاستسلام للغضب.... رغم ان الغضب في الغالب بيكون نتيجة غلطة عملها حد تاني ... ومع ذلك وصيته كانت واضحة وقال صلى الله عليه (لا تغضب).لان الغضب ممكن يخلينا ننقل المشكلة لمستوي أكبر بكتير من المستوي اللي إبتدت بيه.ردود الأفعال اللي مش متناسبة مع حجم المشكلة بتحوّل المشكلة لكرة من التلج كل ما تدحرج بتكبر أكتر #دفا_البيوت #محمد_فتحي
الآباء والأمهات اللي عندهم اولاد وبنات في سن 13 و 14 و 15 او اكتر.خدوا بالكم ان في الغالب ان السنين المتبقية من إقامة ولادكم معاكم الفترة القادمة مابقاتش أكتر من السنين اللي عدت كلها كام سنة ، وكل واحد هايستقل بحياته وهايكون ليه شغله و بيته وأسرته ... ودي سنة الله في خلقه .فأحسنوا ضيافة ولادكم ومعاملتهم فيما تبقى من مدة اقامتهم معاكم .... اصنعوا معاهم ذكريات كويسة يفتكروها لما يستقلوا بحياتهم .صحيح هم لسه محتاجين تربية وتوجيه وتقويم وتعليم ... لكن وانتوا بتعملوا ده صاحبوهم وعاملوهم معاملة الكبار لأنهم فعلا بقوا كبار او خلاص على وشك انهم يبقوا كبار .فضلاً #متابعه منقول #دفا_البيوت #محمد_فتحي
نسخ الرابط
💥في بيوت تلاقي الزوجة فيها بتكلم زوجها بمنتهى قلة الذوق وبشكل هجومي وصوتها بيعلى... مع انها مش ممكن تتكلم كده أبدا مع مديرها في الشغل او مع الناس الغريبة. او بتبقى حريصة ان مظهرها طول الوقت يبقى مهندم وشيك طول ما هي خارج البيت ... أما جوه البيت مش بتهتم بمظهرها 💥وممكن تلاقي زوج طول الوقت مبتسم ومهذب وذوق وجدع وشهم مع كل الناس ... واي حد يطلب منه أي حاجة يجري يعملها بسرعة ولما يرجع البيت بيبقى حاد و قليل الذوق ... مابيقولش كلمة شكر واحدة...ومراته ريقها بينشف عشان يعمل حاجة هي طلبتها منه ودايما بيتعصب ع الولاد 🌹🌹أهل بيتك ... أولى الناس بشهامتك وبجدعنتك وادبك وصدرك الواسع 🌹🌹زوجك أولى الناس بالمعاملة المحترمة والمهذبة والمظهر الحلو 🌹🌹وارد طبعا بسبب الضغوط اعصابنا تفلت أحيانا... لكن ده ممكن يحصل على سبيل الاستثناء.... ولكن مش طبيعي انه يكون ده العادي في التعامل مع الناس عايشين معانا🍀🥀قال رسول الله صلى الله عليه وسلم: ((خيركم خيركم لأهله، وأنا خيركم لأهلي)) #دفا_البيوت #محمد_فتحي #هو_وهي #باز_يجمعنا
نسخ الرابط