وليد_عليمات

واحد بيحكيلي ..ليش مبطل عندك محتوى ..لا والله يا صديقي مبطل عندي حيل احكي ..صارت الأمور تمر وما اكلف نفسي انه افكر فيها ..ما عاد شي يفاجئني .. ما عدت انصدم .. لذلك اروح عن نفسي بالكلمات احيانا لابتعد عن الواقع.أصبحت أعيش الشخصية #الدونكيشوتية .. أشعر وكأنني اركب حصاني الهزيل حاملا سيفي اقاتل به طواحين الهواء وأنا أعتقد انهم عمالقة وابني لنفسي انتصارات وهمية ...يا صديقي حتى الدونكيشوت في لحظاته الأخيرة قبل الموت اعترف بأنه كان يعيش وهم الفروسية والانتصارات #وليد_عليمات

لما كنت صغير روحت مرة عالبيت ومعي 3 حبات دراق سألني أبوي من وين جبتهم ؟؟ما قدرت اجاوب انه اتشعبطنا ع حيط الجيران واخذناهم من الشجرة ..لكن هو عرف ..بعديها مسك #مطرق دفلى كانت امي #تنجد فيه اللحافات ..و بعديها ( #مشهد_محذوف) وبعد ما انكتبلي عمر جديد والحمد لله ... وصار جسمي منجد جاهز ..بطلت احب الدراق .. واصلا مش زاكي .. ولا عمري رح افكر انه اتشعبط ع حيط ..ليش يابا لما كبرنا شفناهم ..هدوا الحيط .. وشلعوا الشجرة من شروشها .. واكلوا ثمرها وورقها وجذعها ..ومافي حدا جابلهم مطرق الدفلى .. ونجد ظهورهم ... وخيطهم .. ورفشهم عالأرض #يابا #وليد_عليمات

بوست نزلته ب 2017 لو ردوا علي ما وصلنا لهون اتمنى من الحكومة فرض ضريبة جديدة على كل مواطن 5 دنانير شهريا اسمها ضريبة (كويس انك عايش) ..يعني نضربها ب 9 مليون .. بيطلع تقريبا 45 مليون شهريا .. و 5 دنانيير شهريا على كل مواطن ضريبة اسمها (دفع بلا ) . هي كمان 45 مليون . ..وضريبة بدل (مغازلة ) للمتزوجين .. وضريبة بدل أرضية للعزابية ... وضريبة خلو للخاطبين .. وضريبة سوء استخدام على المطلقين والمطلقات ..على فكرة المهور للان ما عليها ضريبة مبيعات .. وهدايا و #دباديب الخطبة ما انفرض عليها #ضريبة_رفاهية ...أنا بحاول القى حلول لعجز الموازنة ..بدون ما نمس اموال الأيتام اللي بسويسرا خلص مرقوا الموازنة .. ابو عليم حلها ...شايفين عاد الحلول موجودة ..بس احنا اللي ما بدنا نفكر انا بس لو يعطوني فرصة .. الا اسكر المديونية خلال سنة ... بدون ما نمس #بواجي سياراتهم .. #وليد_عليمات

أبو عيلة بيحكي لأولاده اللي ما بيتعشى بيوخذ بريزة ..الاولاد كلهم ... ما تعشوا ... واخذوا برايز وناموا ..الاب بالليل سحب المصاري منهم ....الصبح كلهم ما لقيوا البرايز فصاروا يبكوا .. سألهم الاب ليش تبكوا ؟؟؟حكوله انسرقت برايزنا ...عصب وحكالهم ... اللي انسرقت بريزته محروم من الفطور #ضرائب #ظرايب #وليد_عليمات