روحك

عارف لما تحس ان روحك ونفسك تايهين منك لما تحس انك مش فرحان ولا مبسوط ولا سعيد ولا حزين لما تحس انك وحيد وعايش في وحده رغم ان حواليك ناس كتير لما تحس ان نفسك تلقي حد يكون ليك نفسك قبل ما يكون ليك حبيب حد يفهم ويسمع اللي جواك قبل ما تتكلم وتقوله حد لو بص في عينيك يفهم ان كنت حزين ولا فرحان حد يحسسك انك اغلي مايملك وان بعادك عنه يفرق معاه قوي حد يكونلك عشق وحياه قبل ما يكونلك حب حد يخدك من دنيتك لدنيته ويعيشك اجمل احساسيس في الحياه ممكن تتعاش هو ده اكتر حاجه نفسنا فيها وبنتمناها

مفيش حاجه تقدر تخليني أحبك غير كونك انسان حنين عليا، الحنيَّة بالنسبالي دوا، مفيش أجمل من كونك حد لين، كلامك سهل، روحك حلوة، مبتعرفش تقسى، أنا حقيقي الحنيَّة هي المفتاح الوحيد لـ قلبي، الحنيَّة هي أعظم وأهم صفه فـ كُل العلاقات الإنسانيه، أياً كان نوع العلاقه دايماً هتلاقي البني آدم الحنين دا بيراعي وبيقدر وبيراضي، مينفعش تلاقي شخص حنين بيهون عليه زعلك أو مبيقدرش مشاكلك أو مبيراعيش حالتك المزاجيه أو مبيقبلش إعتذارك، وهفضل مقتنعة دايماً إن الحنيه دي أكتر حاجه attractive فـ أى حد، ‏الحنيَّة تقدر تغير مزاجك من القلق للسَكينة، تصرُّف بسيط فيه حنيَّة يقدر يُجبر خاطرك لو حزين ويحسسك إنك مهم عند الـ بتحبه، شوية مراعاة ولين فـ المعاملة يقدروا يهدوا كل أفكار القلق والخوف الـ بتكبر جوه صاحبها، الحنيّة أسهل علاج لـ حاجات كتير، بس دوا صعب ميقدرش عليه إلا بني آدم قوي، مُتصالح مع نفسه، متربي إنه يبقا "إنسان" ..