فعلا#
❤تحذيرات .. والله على ما اقول شهيد❤1- الحديد ف الكبسولات او المحاليل سم قاتل لمن لا يحتاجه فعليا .. يعنى اللى ياخده وهو معندهوش انيما نقص حديد مثبته بالتحاليل ...2- اللى هياخد جرعه مضاد حيوى من اى نوع وبالذات الحقن وميكملهاشويجى بعد كدا جسمه ميقدرش يحارب اى مرضميلومش الا نفسه ...3-الام اللى ابنها يكون مولع نااار وهى شغاله تديله ف لبوس او دواء خافض للحراره او تجرى ع الصيدليه ترزعه حقنه مضاد حيوى وخلاص من غير كشف ..لو الواد مات والا جاله مشكله ف المخ .. برضه متلومش الا نفسها.. وهنلومها احنا اكتر لما نعاتبها انها حتى معملتش كمدات او حتى حمت الطفل....4- اللى يبقى عنده حصوه ع الكليه او الحالب وميعملش سونار ولا حتى يروح يكشف ويقضيها مسكنات وخلاص .. هيجى يوم عليه وياكل الحيط من شده الالماعمل سونار واكشف ولو محتاج تفيت او منظار شيلها واخلص وارتاح....5- اللى مقضينها مسكنات عمال على بطال كأنها ملبس .. وبيستخسروا يكشفوا ومستخبين ورا قناع اصل الدكاتره مواويلهم طويله .. لما المعده عندك تتخرم وترجعى دم ساعتها بس هتعرفى ان القرص ابو نص جنيه دا هو اللى كان هيتسبب ف موتك ...6- لما نقول مليوووون مره الاطفال ممنوع عنهم الهمبورجر والسوسيس والسجق المدخن وكل ما يحتوى على فول الصويا عشان بيرهق القولون ف هضمه وعشان المنتجات دى ف مواد حافظه مضره جداا .. ف القولون يتعب مره على مره ويبقى عرضه يجيله سرطانات ونسبتها بتزيد ف الاطفال عن الكبار .. وتلاقى الناس مقاوحه وشغاله برضه تجيبهم .. ميجيش حد يقول ليه عندى قولون عصبى ولا ليه بطنى مبتخفش ....7- لما نقولك يا حج ويا استاذ يا محترم .. ويا انسه او يا مدام يبتاعه المظاهر بلاش تدخين عشان متضروش نفسكم وتضرونا .. وانتوا برضه مستخبيين ورا قناع اصلنا منقدرش نوقفها اصلنا اتعودنا عليها .. طيب لما يجلك مرض السده الرئويه المزمنه وتعرف انه دور البرد وقتها ممكن يقتلك وتعرف اكتر انك لو خدت جرعه اكسجين مش محسوبه بالملى ممكن تموت .. ساعتها هتعرف انك كنت ف نعمه ومصونتهاش...8- لما نقول ان المشروبات الغازيه فيها ماده تضاد نسبه الكالسيوم ف جسمنا .. يعنى لما الماده دى تشربها كتييير وتزيد جدا ف دمك يقوم الجسم يطرد كالسيوم منه .. ويجيلك هشاشه عظام وبلاوى تانيه .. محدش منعك من شربها بس متفتريش...9- مصر موصلتش لمرحله الثقافه انه المريض لما اقوله اعمل سونار عشان اطمن عليك يبقى مقتنع انه كويس .. لا .. هو مدام سمع سونار يبقى هو عنده مصيبه وف الاخر مش يعمله ونطمن لا .. دا بيقولك مش عامله عشان متصدمش خلينا كدا احسنف الوقت اللى تقريبا كل دول العالم بتعمل السونار والاشعه المقطعيه والرنين لاى مريض بيشتكى من مجرد مغص حتى .. خافوا على نفسكوا شويه..10- اللى يسئل سؤال ويلاقى اللى بيرد عليك مش دكتور بشرى او على الاقل صيدلى فاهم وواعى للمرض وخطورته ..مياخدش اى كلام من اى شخص وينفذه بالحرف لمجرد انه نفع معاه .. اصل حضرتك مش حقل تجارب ولا انت جسمك زي جسمه .. فيه دور برد بيبقى بسبب دور برد فعلا وفيه دور برد ممكن بسببه اشك انه عنده فيرس سى . #كبسولة_إسعافية
نسخ الرابط