البجاحه

تعريف البجاحة.. انك تتجاهل فعل الجاني، وتمسك في رد فعل المجني عليه! وتفضل تضغط عليه وتنصحه يصبر ويتحمل ويتنازل عن حقه ويعيش وخلاص، وتفضل تبررله باقتناع تام؛ إنها دنيا وطبيعي يكون فيها ابتلاءات وظلم وعذاب وقهر، فلازم يتحمل عشان ربنا يجازيه الجنة في الآخرة!! المصيبة ان البجحين كتيييييير ومُتفشيين في المجتمع الأسود دة حوالينا وبقى دة النموذج العادي، وماعدا ذلك؛ فهيكون إنسان مش طبيعي بالنسبة لهم!!فمن منبري هذا أحب أوصفهم بالجهل والغباء والعبوديةلأن الإنسان الحر؛ طبيعي يشعر بالإهانة لما يُهان قدامه إنسان.. وطبيعي يدافع عنه ويدعمه ويساعده يمنع عن نفسه الأذى..

أنا إتعاملت مع اللي بيرمي كلمة تزعّل ويعمل مش قاصد، وإتعاملت مع اللي بيلقّح بالكلام، وإتعاملت مع اللي بيتجاهل زعلي، والحمد لله عرفت أتعامل مع بجاحة كُل واحد فيهم .. لكن حاليًا في ليڤل جديد من البجاحة تلاقي الشخص ظالمك وجاي عليك وغلطان في حقك وعايزك إنتَ اللي تراضيه! فحرفيًا (أنا حقًا اعترض)وكُل اللي أقدر أقوله للناس دي خُدوا أول حرف من كُل كلمة بين القوسين.

وسط موجة تغيير النفوس دي .بتمني من كل قلبي إن الأيام متغيرنيش .وأفضل عارف إن الغلط غلط والصح أفضل .وإن في حاجة اِسمها أُصول لابد منها .وبتمني إن ضميري يفضل دايمآ حي .ويأنبني لو أذيت حد أو وجعت حد بكلمة .حتى لو بدون قصد وما أوصلش لمرحلة البجاحة .ومبقاش عارف إني غلطت في حق حد أو أذيتة .ومكمل حياتي عادي كإني ماعملتش حاجة .يارب أفضل نضيف زي ما أنا وقلبي مليان خير لكل الناس