الجدعنه

انت ممكن تعلم الناس اي حاجه في الدنيا إلا الجدعنه والاحساس والاصول والذوق دي حاجات بتبقي في الدم ومينفعش فيها تعليم واللي مترباش عليها هيعيش طول حياته يسمع عنها فقط والمواقف ياما غربلت ناس كتير وعرفتنا مين معانا وعرفتنا مين معانا ومين علينا ومين كان جدع بجد ومين بتاع مصلحته وعرفتنا الفرق مابين مين شبع على طبليه ابوه ومين قام جعان اه احنا كلنا ولاد ناس بس مش كلنا ولاد اصول ولاد الناس اللي بجد اللي اتصرف عليهم اصول مش فلوس

يقعدوا يتكلموا عن الجدعنة وحب الناس ومساعده المحتاج وهم أندل خلق الله وحاجة تقرف👌🖤

لما تيجي تختار البنت اللي هتعيش معاك متبصش علي الشكل والجسم الشكل والجسم مش كل حاجه ..الجمال الخارجي مفيش اسهل منه يعنى مثلا لو جسمها مليان تعرف تخس ولو رفيعه ينفع تتخن لو سمره ينفع تفتح بشرتها ولو شعرها قصير يطول بإكستنشن والعين تتلون بلينسز يعني شوية فلوس وجهد هتجيب نتيجه..لكن الجمال الداخلي دا مش عند اي حد ومش سهل ..الطيبة، الأدب حب الخير للغير الحنيه العين المليانة الجدعنة .. الصفات دي هي الجمال الحقيقي وهي دي اللي بتلفت الانتباه ..اختار اللي قلبها حنين عليك اللي هتصونك عشان لما تنزل شغل تبقي مطمن وسايب راجل وراك وواثق فيها اللي لما الدنيا توقف فـ وشك وتتعقد تلاقيها اول حد جمبك ووخداك فـ حضنها وبتطمنك اللي تفرح بـ اقل حاجه انت بتقدمهالها مش اللي من اقل حاجه تسيبك وتروح عند بيت أهلها .. فيه بنات كتير بنت أصول ومحترمين بس احنا نختار صح