هتوصل

لو أتوكلت على الله في شئ وكان شر ليك ربنا هيقفل الطريق ده من بدايته ومش هيخليك تكمل ..لكن لو مأزمة معاك بس .. هتلاقي انك كل ما تجيب اخرك فيه أمل ظهرلك كده علشان تكمل .. اعرف ساعتها ان ده طريقك بس ربنا عايزك تتعب علشان تحس بطعم نجاحك بعدين وتحافظ عليه .. ربنا بيخليك تتعب اوي بس قبل ما تقف وتيأس بيظهرلك العلامة او الامل علشان يخليك تاخد نفس كبير علشان تقدر تكمل تاني وفي الآخر هتوصل…

كل شخص وله طبع..بس عاوز اقولك لو لقيت طبع السهولة في شخص.. إوعي تفرط فيه!الإنسان السهل.. مفيش أنضف منه ،سهل يسامحك ويعذرك لو قصرت ،سهل تطلب منه حاجة، مفيش أسهل من النقاش معاه، سهل تاخد رايه لأنه مش هيحبطك،عاوز تكلمه هتوصله بسهولهالنار متاكلش السهل، البسيط، اللي مصالحته قريبة، وعتابه خفيف.. زي النسمة.. تلاقيه قاعد تشد كرسي وتجري تقعد جنبه، الإجتماعي بعقل وحدودي بإحترام، اللي خصامه صمت، وفرحته من فرحة اللي حواليه.خليك بسيط.. سهل.. متخوفش حد منك بجمودية قلبك وكلامك، اوعي تنكر تقدير حد ليك ، اوعي تندم حد علي طيبته وحنيه عليك ومعاك ،متبنيش حواجز نفسية بينك وبين اللي حواليك.. الناس في الغياب أنواع، فيهم اللي لو غاب نستريح منه، وفيهم اللي لو غاب منرتاحش إلا بحضوره.من كان نصيبه ف الدنيا لين قلبه ف قد فاز. ❤️