هيت

لو لسه متجوزتش استمتع بالفضا واللامسؤولية، ولو اتجوزت استمتع بالونس والمشاركة..لو لسه مخلفتش استمتع بالحرية والخفّه، ولو خلفت استمتع بذرية منك تملى حياتك زينة وسعادة..لو لسه بتدرس استمتع بلمة صحابك، ولو اتخرجت وبتشتغل استمتع باعتمادك على نفسك واستثمار دراستك ومرتبك..دايما اي وضع في الدنيا ليه وجهين، اللي هيركز ع الضلمه هيفضل طول عمره قانط وحزين، واللي هيركز مع نعمة ربنا في كل وضع قلبه هيتملي رضا وسعادة وراحة بال.."إنما هي أيام قلائل والموعد الجنة". د. أحمد خالد توفيق

"في فيلم تيمور وشفيقه"تيمور بيقول لشفيقه : مش شايفه إنك غلطانه ؟ .. يعنى الغلط مني ؟ .. ماشي ، ده اسلوبي ومش هيتغير ! .. وأنا شايف إنك غلطانه ولازم تعتذرى ، وتعتذرى وانتي حاسه بالندم من جواكي كمان ، وياقبلت اعتذارك يامقبلتوش !!!"في فيلم الباب المفتوح"حسين بيقول لليلى : أنا بحبك ، وعايز منك إنك تحبيني ، لكن مش عايز منك إنك تفني كيانك في كياني ولا كيان أي إنسان ، عايز ليكي كيانك الخاص المستقل ، وثقتك بنفسك تيجى من جواكي مش من الناس ، لما يتحقق ليكي ده مش هيقدر حد يحطمك ، لا أنا ولا أي مخلوق.الفرق في الحوار بين فيلم تيمور وشفيقة (٢٠٠٧) وفيلم الباب المفتوح (١٩٦٣) هو إنعكاس لانعدام الإحترام ، وانهيار لغة الحوار في المجتمع ، وتدهور العلاقة بين الرجـل والمـرأة من تكامل وبناء شخصية إلى تحقـير ونظرة دونيـة !