بيئه العمل لمن تكون حلوه و الناس الي فيها حلوين بتشتغل من كل قلبك و بتعطي كل شي عندك ... بتحب داوم ... بتعتبر الاشي الي بتشتغله الك مو انك مجبور تعمله ... ما بفرق معك متى و وين بتشتغل ... قلبك بوجعك لمن تشوف فيه اي خطأ او اي شي ممكن ياذى المكان لانك بتحب هل مكان و بتحب تشوفه باحسن صوره ... لانه صار جزء منك و من كيانك ....كتير ناس بحكولي ما بصير تتعلقي بمكان و لا بشغل لانه باي لحظه الشغل ببيعك و بمشي ورى مصلحته لو شو ما كنتي عامله بس للاسف ما فيني اشتغل بمكان ما بحبه و بعتبره بيتي التاني ... ما فيني اشتغل بمكان ما بلاقي حالي جواته ... ما فيني اشتغل و انا حاسه انه هاد المكان عادي بستغنى عني بدون سابق انذار ... بالنسبه الي المكان الي بشتغل فيه زي بيتي ... لهيك اعطي المكان الي انت فيه كل شي بتقدر عليه و ما بعمرك تندم شو قدمتله لانه بالاخر هاد بكون كيانك انت بخليك بصوره حلوه قدام حالك و هاد اهم شي .. بخليك تشتغل و انت مرتاح و مبسوط و تحقق الي بتريده ... و بالاخير هاد مردوده حلو الك و للمكان الي انت فيه و للناس الي بتشتغل معن ... اشتغل و انت حابب تعطي و حاب تفيد الي معك مو تحتكر المعلومات .... اشتغل كتيم مو كفرد و بدك بس تثبت حالك لانه لو واحد بالتيم وقع التيم كله بوقع ...انا بضل بنت ihorizons الشركه الي كتييير حبيتها و حبيت الجو الي شفته فيها و اتعرفت عناس فيها بجنينوا و كل حد بسالني بقله انا بنت هل شركه و رح ابقى بنتها وين ما رحت ... و بااز الي شو ما صار فيها بس فيها اروع تييم شفته ... كتير بحب تيمي و بحب الجو الي بنعمله و كيف بنشتغل سوى و بحب طبيعه الناس الي موجودين بباز ...ما بعرف شو خطر ببالي اكتب كل هل حكي بس كتبت الي خطر ببالي لحظيا و بدون سابق تفكير حبيت شارك الكل بالي خطر ببالي و الي عم بحسه هلا 🙈🙈 #خواطرـصباحيه