البوست ده كتباه لاني اتعاملت مع الشعب الفلبيني كتير بحكم شغلي زائد اني عايشه معاهم مؤخرا وحبا انقلكم تجربتي،في قد ايه هو شعب جميل ومرح ومحترم في التعامل❤من اسبوع تقريبا وقعت المرايا اللي انا حطاها في المكتب بتاعي متكسرتش بس اتشال منها الإطار بتاعها ومبقتش عارفه امسكها، ده غير انها ممكن تعور وفضلت حطاها في الدرج.امبارح استخدمتها ونستها علي المكتب وجيت لقتها بالمنظر ده محطوتلها كرتونه والإطار واتلزقت كويس.اللي عملت كده هي ست جميله فلبينيه مسؤووله عن تنظيم الدور وتنسيق المكاتب فيه ولأنها بتدخل كل مكاتب الدور يوميا فدخلت مكتبي النهارده وشافت المرايا مكسورة قررت انها تاخد من وقتها واهتمت انها تصلحها، من غير ما يكون ده شغلها، من غير حتي ماتعرفني مثلا انها صلحتها، لأ!! هي خلتها بالشكل ده وحطتها مكانها.ممكن بالنسبالها يكون حاجه بسيطه وتافهه بس انا بالنسبالي كبيره جدا وكان لازم احساسها انها كبيره وكمان جميله فحطتلها النوت دي في المكان بتاعها كنوع من الشكر علي زوقهاThe world needs your"simple act of kindness"