![Descriptive Alt Text](https://images.baaz.com/e663/d616/365a/ccde/1920x1200/ec705681fdf82685e422804e5964c354637ef62214e59ee3c623f251a5019744.jpg?v=6b99d67f93681156280ffd00759185e8 810w, https://images.baaz.com/e663/d616/365a/ccde/540x330/ec705681fdf82685e422804e5964c354637ef62214e59ee3c623f251a5019744.jpg?v=6b99d67f93681156280ffd00759185e8 222w, https://images.baaz.com/e663/d616/365a/ccde/1600x1200/ec705681fdf82685e422804e5964c354637ef62214e59ee3c623f251a5019744.jpg?v=6b99d67f93681156280ffd00759185e8 810w, https://images.baaz.com/e663/d616/365a/ccde/1024x768/ec705681fdf82685e422804e5964c354637ef62214e59ee3c623f251a5019744.jpg?v=6b99d67f93681156280ffd00759185e8 518w, https://images.baaz.com/e663/d616/365a/ccde/210x190/ec705681fdf82685e422804e5964c354637ef62214e59ee3c623f251a5019744.jpg?v=6b99d67f93681156280ffd00759185e8 128w, https://images.baaz.com/e663/d616/365a/ccde/270x165/ec705681fdf82685e422804e5964c354637ef62214e59ee3c623f251a5019744.jpg?v=6b99d67f93681156280ffd00759185e8 111w)
مراجعة فيلم " Spider-Man Far from home " " لا يوجد حرق لأحداث الفيلم " بتبدأ احداث الفيلم بعد ٨ شهور على احداث end game و بنشوف اثر الأحداث دى و الفجوة الزمنية إلى حصلت و رحيل بعض من الافيچنرز على العالم ، و بنشوف بشكل شخصى اثر رحيل تونى ستارك على بيتر باركر ، و أنه بدأ يكبر فى السن و المفروض يتحمل المسئولية و هل هوا جدير أنه يكون ايرون مان الجديد و لا لا ، و فى نفس الوقت بتظهر معانا شخصية ميستريو الى بيقول أنه جاى من بعد تانى لكوكب الأرض عشان يواجه خطر معين ، فابيطلب نيك فيورى من سبايدر مان أنه يساعده فى المهمة دى خلال رحلة إجازته ، و بس كده و بنتابع احداث الفيلم و بنشوف ايه هوا الخطر الى بيواجهوه ، و هل بيتر باركر جاهز أنه يكون النيو ايرون مان و لا لا ..... مميزات الفيلم : اول حاجة : أداء توم هولاند ، كان ممتاز و بيقدملنا فى الفيلم ده ابعاد جديدة لشخصية بيتر باركر سواء على النواحى العاطفية و علاقته بأصدقاءه و اثر موت تونى ستارك عليه ، أو على جانب سبايدر مان و ازاى يقدر يوفق بين كونه طالب عادى و فى نفس الوقت واحد من الأڤينچرز ، و كل ده قدمه بشكل ممتاز و خلاك تتعلق بالشخصية اكتر لو مكنتش متعلق بيها قبل كده . و طبعا جاك جيلنهال الى كان إضافة قوية للفيلم و الانسجام ما بينه و بين توم هولاند سهل دخوله لأجواء الفيلم و إننا نتعود عليه بسرعه . و اخيرا كل الى كانوا معانا من الجزء الى فات أدائهم كام بسيط و ممتع و ممكن يبقى فيه جديد منهم فى الاجزاء الجاية من السلسلة . ثانى حاجة : المؤثرات البصرية ، الفيلم ده بصريا حلو جدا جدا جدا و خصوصا فى النص الثانى من الفيلم ، و ده خلتنا نشوف مشاهد اكشن ممتازة من ناحية التصميم و اختيار الألوان و مختلفة عن اى مشاهد اكشن شوفتها فى عالم مارڤل و دى حاجة حابب يظهر شخصيات اكتر جديدة تضيف ابعاد جديدة لنوع الأكشن الى يستقدم و تصميم المعارك . ثالث حاجة : الكوميديا و الدراما ، الى كانوا موجودين و حاضرين بشكل كويس جدا فى الفيلم و عجبنى فى الكوميديا انها مكنتش معتمده أو تكرار للجزء الى فات و كان فيه حاجات جديدة و اشتغلوا عليها كويس عشان يطلعوا حاجة تضحك بجد . عيوب الفيلم : اول حاجة : النص الأول من الفيلم بالنسبة للنص الثانى كان اضعف و اقل بكتير و خدنا وقت كتير بنشوف حاجة اى حد بيقرا كوميكس أو كان بيشوف كارتون سبايدر مان و هوا صغير هيبقى عارفها من اول ما شاف إعلانات الفيلم و كنت شايف إننا مانخدش وقت كبير فيها كده ، رغم انى لقيت ناس اتفاجأت بيها برضه ، بس عن نفسى محبتش ده . ثانى حاجة : الحوار التحفيزى الى اتكرر كتير لبيتر باركر معجبنيش أنه تونى ستارك اختاره و ما الى ذلك ، معنديش مشكلة يتقال مرة و خلاص لكن اتعاد كتير خلال أحداث الفيلم و دى حاجة ضايقتنى برضه شوية . فيلم " Spider-Man Far from home " فيلم ممتع و مغامرة جميلة و قتالات محترمه رغم عيوبه و انصح بمشاهدته للى لسه ماشفوش . وفيه مشهدين فى النهاية و حلوين و مهمين ابقوا أعدوا شوفوهم . تقييمى للفيلم ..... ( 8 / 10 ) #KhaledEssamReviews #SpidermanFarFromHome
لا توجد تعليقات حتى الآن!
كن أول من يعلق على هذا المنشور
مراجعة فيلم " Spider-Man Far from home " " لا يوجد حرق لأحداث الفيلم " بتبدأ احداث الفيلم بعد ٨ شهور على احداث end game و بنشوف اثر الأحداث دى و الفجوة الزمنية إلى حصلت و رحيل بعض من الافيچنرز على العالم ، و بنشوف بشكل شخصى اثر رحيل تونى ستارك على بيتر باركر ، و أنه بدأ يكبر فى السن و المفروض يتحمل المسئولية و هل هوا جدير أنه يكون ايرون مان الجديد و لا لا ، و فى نفس الوقت بتظهر معانا شخصية ميستريو الى بيقول أنه جاى من بعد تانى لكوكب الأرض عشان يواجه خطر معين ، فابيطلب نيك فيورى من سبايدر مان أنه يساعده فى المهمة دى خلال رحلة إجازته ، و بس كده و بنتابع احداث الفيلم و بنشوف ايه هوا الخطر الى بيواجهوه ، و هل بيتر باركر جاهز أنه يكون النيو ايرون مان و لا لا ..... مميزات الفيلم : اول حاجة : أداء توم هولاند ، كان ممتاز و بيقدملنا فى الفيلم ده ابعاد جديدة لشخصية بيتر باركر سواء على النواحى العاطفية و علاقته بأصدقاءه و اثر موت تونى ستارك عليه ، أو على جانب سبايدر مان و ازاى يقدر يوفق بين كونه طالب عادى و فى نفس الوقت واحد من الأڤينچرز ، و كل ده قدمه بشكل ممتاز و خلاك تتعلق بالشخصية اكتر لو مكنتش متعلق بيها قبل كده . و طبعا جاك جيلنهال الى كان إضافة قوية للفيلم و الانسجام ما بينه و بين توم هولاند سهل دخوله لأجواء الفيلم و إننا نتعود عليه بسرعه . و اخيرا كل الى كانوا معانا من الجزء الى فات أدائهم كام بسيط و ممتع و ممكن يبقى فيه جديد منهم فى الاجزاء الجاية من السلسلة . ثانى حاجة : المؤثرات البصرية ، الفيلم ده بصريا حلو جدا جدا جدا و خصوصا فى النص الثانى من الفيلم ، و ده خلتنا نشوف مشاهد اكشن ممتازة من ناحية التصميم و اختيار الألوان و مختلفة عن اى مشاهد اكشن شوفتها فى عالم مارڤل و دى حاجة حابب يظهر شخصيات اكتر جديدة تضيف ابعاد جديدة لنوع الأكشن الى يستقدم و تصميم المعارك . ثالث حاجة : الكوميديا و الدراما ، الى كانوا موجودين و حاضرين بشكل كويس جدا فى الفيلم و عجبنى فى الكوميديا انها مكنتش معتمده أو تكرار للجزء الى فات و كان فيه حاجات جديدة و اشتغلوا عليها كويس عشان يطلعوا حاجة تضحك بجد . عيوب الفيلم : اول حاجة : النص الأول من الفيلم بالنسبة للنص الثانى كان اضعف و اقل بكتير و خدنا وقت كتير بنشوف حاجة اى حد بيقرا كوميكس أو كان بيشوف كارتون سبايدر مان و هوا صغير هيبقى عارفها من اول ما شاف إعلانات الفيلم و كنت شايف إننا مانخدش وقت كبير فيها كده ، رغم انى لقيت ناس اتفاجأت بيها برضه ، بس عن نفسى محبتش ده . ثانى حاجة : الحوار التحفيزى الى اتكرر كتير لبيتر باركر معجبنيش أنه تونى ستارك اختاره و ما الى ذلك ، معنديش مشكلة يتقال مرة و خلاص لكن اتعاد كتير خلال أحداث الفيلم و دى حاجة ضايقتنى برضه شوية . فيلم " Spider-Man Far from home " فيلم ممتع و مغامرة جميلة و قتالات محترمه رغم عيوبه و انصح بمشاهدته للى لسه ماشفوش . وفيه مشهدين فى النهاية و حلوين و مهمين ابقوا أعدوا شوفوهم . تقييمى للفيلم ..... ( 8 / 10 ) #KhaledEssamReviews #SpidermanFarFromHome