مش شرط الحاجة تضيع مننا علشان نعرف قيمتها .. ولا مطلوب نقع في الغلط علشان نتعلم الصح !!في ناس ذكية عارفه ان قبل ما تخوض أي تجربة تعرف ايه اللي ليها واللي عليها .. علشان كدة تلاقيهم نادرا ما يحصل لهم مشاكل في حياتهم أو أزمات نتيجة قراراتهم.النوع ده من الناس قبل الزواج تلاقيه بيفكر ازاي ينجح وازاي يوصل للسعادة .. بيتعلم عن الزواج وكأنه طالب محتاج ينجح في اختباراته !!علشان كدة حابب افكر حضراتكم قبل الخوض في علاقة .. او الارتباط بشخص .. لازم نفكر في اهم خمس أسئلة اجابتها هتوضح ليك إذا كنت في الطريق الصح ولا لا :١- هل انا عارف نفسي كويس وعارف ايه احتياجاتها ؟! ٢- هل الطرف الآخر متوافق معايا وهيقدر يشبع احتياجاتي ؟! ٣- هل انا عارف تحديات الزواج ومستعد ليها وعندي القدرة علي تجاوزها ؟!٤- هل الطرف الآخر ناضج بما يكفي لتحمل أعباء والتزامات الحياة ؟!٥- هل البيئة والأسرة ليا وللآخر مناسبين لبعض وهيكون ما بينهم تفاهم ؟!الزواج نصيب .. والحياة اقدار .. لكن ربنا سبحانه وتعالي أعطانا مساحة من الحرية في اختيار كثير من أفعالنا .. واللي هي سبب في الواقع اللي عايشينه .. بلاش تعلق سوء اختيارك علي شماعة القدر 😍
