بعض العلامات اللي تعرفك انك بتتعامل مع شخص سام:1- بيستغل نقط ضعفك اللي اكتشفها فيك لصالحه بدل ما يحاول يصلحهالك بانه يعوض اللي عنده فيه نقص في شخصيته بأنه الافضل و الاعلم و الافقه و الاقوي ، و لو دول فعلا نقاط قوه عنده فبيستعرضها عشان يرضي نرجسيته.2- ديما يوصلك انك غلط تفكير و افعال عن طريق خدعة "الناصح الامين" و للاسف انت بتصدقه و بتتكسر.3- يصطاد اي نقطه قوة انت عرفتها عن نفسك و يحاول يدمرها بانه يقنعك انه عادي دي ولا قوه ولا حاجه و كلنا عندنا القوه دي، او يقلل من اهميتها و من استفادتك ليها عشان ميشوفش نواقص شخصيته.4- اي انجاز انت بتعمله يوصلك انه حاجه عاديه او يقلل منه.5- تلاقيه ديماً واخد معاك دور الضحيه.6- بيهتم انه ياخد احتياجاته منك اكتر ما بيديك يعني بيحط نفسه أولوية عنك.7- قليل اوي لما يعتذر و لو اعتذر بيكون من منطلق التفضل يعني بيتفضل عليك انه اعتذرلك.8- لما يكون عايز منك اي حاجه تلاقيه يلعب بمشاعرك العاطفيه او علي احتياجاتك النفسيه او الماديه.9- ديما يخليك تحس بالسوء تجاه نفسك بأنه دايم الحكم السلبي عليك في معظم تصرفاتك و ديماً يطلعك انك غلط و يأنبك كتير.10- مش بيسمع ولا بيهتم لدوافعك و احتياجاتك الداخليه تجاه اي تصرف او فعل و ديماً يقاطع حديثك و يقول رأيه و يحكم من غير ما يسمع كل التفاصيل و دوافعك من منطلق انه اعلم منك وفاهم كل حاجه و انت لسه بدري عليك.11- اي رأي تقوله لازم يحاول يطلعك انك غلط او رأيك ناقص أو انت فاهم غلط او معندكش معلومات كافيه عشان تبني عليه رأيك و دا بيظهر خصوصاً لو قاعدين في تجمع.الحل:1- لو الشخص دا صفة وجوده في حياتك مش اساسيه سيبه و امشي فوووراً و بلوكات في كل حته، و حيجيلك مكانه الاصلح.2- لو الشخص دا صفة وجوده في حياتك "اساسيه" و مينفعش تخرجه من حياتك تفصل كلامه عنك لان انت اكتر واحد عارف نفسك و قدراتها و قوتها و مش محتاج لكلامه لانك ببساطه عرفت انه شخص سام. #اسلام_خليل