فيه نوع من الناس هياخدوك في حياتهم مجرد وقت؛وقت في الشغل،وقت في الجيره،وقت مصلحة ما لحد ما تخلص ،وقت حتى في الصحوبيه،هتلاحظ كل ما يعدي الوقت انهم بيبعدوا، او حتى بيختفوا خالص،النوع ده ماتحاولش تعاتبه او تسأله ليه !!مجهود ضايع وفره في حاجة أهم،و برده مع الوقت هتلاقي نفسك بمنتهى السهولة قادر ترجعهم نفس المكان الاولاني من غير اي مجهود ..دول بقى اللي بينطبق عليهم موضوع ((مراحل))، زي ما فيه ناس بتقول كده كلنا مراحل في حياة بعض، النوعية دي بقى كانت مجرد مرحلة في حياتك لأنك أصلاً من البداية مجرد مرحلة في حياتهم هم اللي قرروا يقربوا و هم كمان اللي قرروا يبعدوا ف مش هنقف عندهم كتير بالعكس، هنكمل ... و لما ييجوا في بالك قول بمنتهى الاريحية ... انا كنت عندهم مجرد مرحلة وخلصت ف هكمل وانا ضميري مرتاح،و على فكره لما تشوفهم اول حاجه هيقولوهالك انت بعدت وبطلت تسأل علينا ..ابتسم ابتسامة عريضة جدا وقول ...الدنيا تلاهي 🙂❤️ #من_الحياة #دعاء_يحيى