السبت الساعة 9 مساءااللقاء المرة دي مميز جدا، لأن هيكون معايا ضيفين تقال، كل واحد فيهم عنده خبرة كبيرة وعلم قوي بمجاله، وأنا شخصيا بتعلم منهم.وطبعا الموضوع نفسه مهم، وهو ازاي نجهز شركتنا للاستثمار، لأن عادة الحديث عن الاستثمار في الشركات الناشئة بيكون نظري بالأساس، لكن احنا في لقاءنا يوم السبت بإذن الله هنتكلم عن التفاصيل العملية، ازاي نجهز الشركة للاستثمار، ايه الأساسيات اللي لازم تكون جاهزة معانا، ايه الملفات اللي نظبطها، وايه النصائح الأساسية نتيجة الخبرة العملية اللي محتاجين ناخد بالنا منها.ضيوفي في اللقاء يوم السبت بيجمعوا بين كونهم رواد أعمال خاضوا غمار الشركات الناشئة وصعوباتها ونجاحاتها وإخفاقاتها، وبطبيعة الحال جولات استثمارها والتعامل مع مستثمريها قبل وبعد الاستثمار، وكمان دورهم كاستشاريين بيساعدوا الشركات الناشئة الأخرى في إنها تنجح وتنمو وتكبر، على مستوى البيزنس نفسه، وكمان على مستوى التجهيز للاستثمار والحصول عليه.الصديق العزيز Ebrahem Anwar مؤسس شريك Co-Founder «الموقع» واحدة من أسرع الشركات الناشئة نموا في مجال العقارات، والحاصلة على استثمارات متنوعة. دا بالإضافة إن إبراهيم عنده خبرة فوق ال11 سنة في مجال تطوير الأعمال، وحاليا بيساعد الشركات الناشئة في النمو والتجهيز للاستثمار من خلال Know How Business .الصديق العزيز Ayman Taha مؤسس OTMOST ، وهي منصة متخصصة في الاستثمار في الشركات الناشئة من خلال مساعدة الشركات في التجهيز للاستثمار بآليات مبتكرة. أيمن شارك في تأسيس شركات ناشئة أخرى فيما قبل، وحاليا بيعمل كاستشاري للشركات الناشئة لمساعدتهم في النمو والتجهيز للاستثمار.بإذن الله يكون لقاء ماتع ومفيد لكل الناس، جهزوا أسئلتكم ومداخلاتكم، وحضروا الورقة والقلم علشان بإذن الله هيكون في كم معلومات وخبرات هنعصرها من ضيوفنا الأعزاء 😃المعاد بتاع اللقاء الأسبوع دا هيكون السبت 15 أكتوبر الساعة 9 م (بتوقيت القاهرة).وطبعا حمل التطبيق بتاع باز، علشان تتابع اللقاء يوم السبت بإذن الله.https://bit.ly/3QwmI0cفي انتظاركم