(ليش مش لابس طاقية) إعتاد الأسد (الحيوان ما غيره ملك الغابة) ... إعتاد يوميا أن ينادي على الأرنب كل ما يلمحه من بعيد وحين يقترب الأرنب لمسافة مناسبة كان الأسد يصفعه كف (يلخم صباحه) وينهره بقوله: ليش مش لابس طاقية؟؟..... الأرنب كان يحتار بماذا يجيب (سيده) ويغادر مبتعدا منكسرا ومتألما .... تكررت ( الكفوف) حتى تورمت خدود الأرنب فبكى وشكى حاله لمعالي السيد ثعلب الذي أبدى بدوره تعاطفا مع الأرنب فذهب للأسد وقال: يا سيدي إذا بتسمحلي بس هادا المسكين الأرنب تورمت خدوده وأنا يا سيدي ما بقولك لا تخمعه كفوف ... أنت ملك الغابة وكلنا تحت صرمايتك .... بس يعني عشان ما يقولوا انك متجبر ومتعسف وديكتاتور ... شو رأيك تلاقي مبرر يعني حجة منطقية لضربه ... أنه مثلا أطلب منه كاسة شاي وإذا جابلك ياها حلوة إخمعه كف وقوله بدي الشاي بلا سكر وإذا جابها سادة إخمعه وقوله بدي ياها حلوة ! عجبت الأسد الفكرة وتاني يوم نادى عالأرنب وقاله روح جيبلي كاسة شاي ..... سأله الأرنب: بدك ياها حلوة ولا مره سيدي؟؟ صفن الأسد .... صفن بعدين خمع الأرنب كف وقاله: ليش مش لابس طاقية؟؟؟