تبدأ ليلة النصف من شعبان من مغرب يوم الاثنين ٦ مارس حتى فجر الثلاثاء ٧ مارس ، وهيَ ليلة أرضى الله فيها رسوله ﷺ وجَبَر خاطره بالقِبلة التي كان يتمناها ويرضاها{ قَدْ نَرَى تَقَلُّبَ وَجْهِكَ فِي السَّمَاء فَلَنُوَلِّيَنَّكَ قِبْلَةً تَرْضَاهَا }. ① خلى بالك إن من أول يوم فى شعبان أكتر من 7 مليار ونصف صحيفه هتترفع، والصُحف دى كلها لو صحيفه واحده فيها "صيام" هتكون سبب ف مغفرة ذنوب السنه كلها ليك ..💚 ② -  "الدعاء"  أدعى كل اللى نفسك فيه وكل اللى بتتمناه لأهلك أو لأولادك أو لنفسك .. الليله دى هى اللى ربنا جَبر بخاطر النبى ﷺ فيها ورضاه بتحويل القِبلة من بيت المقدس إلى البيت الحرام بمكة وهي القِبلة اللى كان بيتمناها..💚 ③-ليلة النصف من شعبان ملهاش صلاه مُعينه ولا عباده خاصه ليها .. ربنا مقالش للمؤمنين فى كتابه ولا على لسان رسوله ولا فى سنته عمل خاص نعمله فى اليوم ده فرض انك تعمله .. يعنى لو متعود تصوم صيام إتنين وخميس صوم ولو متعود تختم القرآن أختمه او لو متعود تصوم صيام سيدنا داوود يوم ويوم هتكمل زى م أنت ماشى ..💚 ④-لازم تعرف إن ربنا بينزل فى كل ليله فى سماء الدنيا حين يبقى ثلث الليل الآخر ويقول: من يدعوني فأستجيب له، من يسألني فأعطيه، من يستغفرني فأغفر له، حتى يطللع الفجر .. فأدعى كتير  وحافظ على قيام الليل لازم تصليها..💚 ⑤- هقلك النبىﷺ قالنا "يتعاقبون فِيكم ملائِكَة بِاللّيلِ، وملائِكَة بِالنهَارِ .. يعنى لحظه بلحظه تقرير يومى عنك وسريع .. ويجتمِعُون في صَلاةِ الصبْحِ وصلاةِ العصرِ .. وده التقرير اليومى عنك وعن كل اللى عملته ف اليوم .. وقالنا برضو "تعرض الأعمال يوم الإثنين والخميس، فأحب أن يعرض عملى وأنا صائم .. وده بمثابة التقرير الأسبوعى عنك ..فى شهر شعبان بقى ده بيبقى بمثابة الجوله الاخيره والفاينل بتاع السنه كلها لأن ده الختم النهائى لأعمالك والتوبه وفرصتك بتحسين كل أعمالك قبل عرضها ع ربنا ف شهر واحد بس...!💚 ⑥- شهر شعبان" من أهم الأوقات فى السنه اللى فيها كنز عطاء من ربنا ومغفرته الواسعه والكبيره وبيسموها أيام "النفحات" .. النبىﷺ بيقولنا "إن لربكم فى أيام دهركم لنفحات ألا فتعرضوا لها لعل أحدكم أن تدركه نفحة فلا يشقى بعدها أبداً" .. يعنى ممكن ف اليوم ده كل أحلامك اللى عشت تحلم بيها تتحقق ف لحظه ..! 🥺💚