مساء الخير✨ مع كل الرجاء إنه يكون خير فعلاً 🌿عارف إحساس إنك عايز تهرب، مش عشان جبان أو خايف من المواجهة ، لا إنت تعبت و عايز تتنفس و ترتاح ، يجي شخص يرد عليك يقولك مش تسحب نفسك لمنطقة الراحة ، لا سيبني اسحب نفسي لمنطقة الراحة لو سمحت ، سنين بدور علي منطقة الراحة ، انا استنزفت خلاص، انا عايز أهرب عشان أرتاح مش عشان هروب من الواقع، أو ممكن نقول هروب من الواقع اللي مش سامح لينا بالراحة ، تنفس ضيق ، ضحكة بطلوع الروح والله ، ما هو لما كل حاجة fake ، يبقي فين الواقع علفكرة ، ده مزيف حضرتك ، كله بيطلع علي بعض ، كله واحد بعض سلالم نطلع عليها ، قال ايه نجاحك لما تكسر اللي حواليك ، طب ليه اكسرهم ما أكمل وهم كويسين وبخير ، أصلا ما اكمل حلمي في طريقي مش في طريقهم ، ليه ادخل في أحلام غيري واكسر فيها ، بجد غابة مميتة ، والله والله والله الدنيا ده فانية بجد ، مش مستاهلة الحقد والكره والمرض النفسي ده كله ، مش مستاهلة إننا نتمني كوكب تاني خالص نعيش عليه عشم في إننا نلاقي ناس فيهم إنسانية ، أتمني أهرب بجد من الغابة اللي بجد مش قادرة أكمل في شراستها ، آسفة لنفسي بجد بس مش هقدر أكون مفترسة ، ولا أقدر أكون لبؤه ، أنا أحب آلاء أحبها إنسانة 🤍