=كُل مرحلة وليها ناسها،-أحيانًا الإشارات اللي بتفضل تجيلك كل شوية وأحساسك الدائم إن الشخص اللي قدامك مشاعرة أتغيرت من ناحيتك بتبقى صحيحة فـ بلاش تفضل تقنع نفسك إن مفيش تغيير في ردود الأفعال وتفضل تطلع مُبررات لـتصرفات البعض ليك على إنهم مضغوطين أو في حاجة مضيقاهم علشان كده بدأت المواقف دي تحصل بينكم،كل شخص فينا بيجيلوا لحظات ومشاعرة بتبدأ تتغير كـ مرحلة من مراحل النضج العقلي، فـ بتلاقي أصحابك بقوا بينزلوا من غير ما يقولولك، أو بيسافروا من غير مايخدوك معاهم، أصحابك في الشغل بينزلوا يتغدوا بره من غير ماتعرف أصلًا، تبدأ بقى الاسألة ترهق دماغك، وعلى فكرة ملهاش داعي الاسألة دي، علشان ربنا قالأعوذ بالله من الشيطان الرجيم(يا أيها الذين آمنوا لا تسألوا عن أشياء إن تُبدَ لكم تَسوُكُم)يعني حتى لو عندهم أسباب لأفعلهم دي بلاش تسأل عنها)-----------------بس خليني أقولك إن العيب مش فيك ولا فيهم، كل ما في الأمر إن زي ما قولتلك في أول البوست كل شخص فينا بيجيلوا لحظات ومشاعرة بتبدأ تتغير وحاليًا أنت مابقتش متوافق معاهم في المرحلة دي، زي ما ناس تانيه أنت بقيت شايف إنهم مابقوش متوافقين معاك في حياتك حاليًا، فـ بالتالي أنت مش وحش ولا هما وحشين بس في نفس الوقت محدش فيكم بقى حاسس إنه قادر يستحمل أي تصرف من التاني، فـ بيكون طرف واحد بس هو اللي بيقدر ياخد خطوة التغيير فـ بتبدأ تصرفاته تتبدل وبيبدأ يبان عليه إن مشاعرة أتغيرت، ساعتها أنت يا بتبقى مُسالم وبتقبل، يا بتخلي عقلك الباطن هو اللي يسيطر عليك ويبدأ يلعب معاك لعبة الحيال والمُبررات وتبدأ تقنع نفسك بأسباب مش موجودة أصلًا، مع إن كان كل اللي عليك ساعتها تقبُل الأمر وتفهم إن فعلًا بيتم التخلّي عنك ولازم تمشي،------------------دائمًا وأبدًا الإشارات عمرها مابتكدب، والمواقف بتثبتها بس إحنا ساعات كتير بنتجاهل صوت العواطف وبنحسبها (هرمونات) أو تقلب مزاج، فـ بالتالي بيحصل ضغوطات عليك واسأله ملهاش إجابات كتير(وخلي بالك ده مدخل من مداخل الشيطان) اللي بيفضل يقولك أنت مش كفاية أنت ماتتحبش والكلام المُبالغ فيه ده!، حاول تسمع نفسك والأهم من ده حاول تحب نفسك علشان لو أنت حبيت نفسك مش هيكون فارق معاك مين موجود ومين مشي، خليك أنت كفاية لنفسك الأول قبل ما تسعى تكون كفاية لغيرك،وعلى فكرة لو بدأت تتفاهم مع عقلك صح هتلاقي إن فراق الصُحاب مش مُحزن للدرجة اللي عقلك بيخيلهالك وإنه عادي جدًا بس للأسف أنت اللي ماحبتش نفسك كفاية فـ الموضوع بيبان كبير قدامك.