نقول تاني ؟ ... نعمة كبيرة من ربنا إن الواحد مايكونش عارف إيه إللي بيحصل من ورا ضهره ، يخليه عايش في سلام ومحب للي حواليه ومتخيل إنهم بيحبوه ، عشان لو فتشت ودورت هتكتشف العالم على حقيقته، هتكتشف الكلام الوحش إللي بيتقال عليك من وراك ، هتعرف الناس إللي جواها حقد وغل من ناحيتك..ربنا قال في آواخر سورة المائدة ( يَا أَيُّهَا الَّذِينَ آمَنُوا لا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ ) مش بس ماتسألش ، لا إحنا المفروض مانسعاش إننا نعرف، سيب الدنيا ماشية زي ما هي ماشية..الاديب نجيب محفوظ بيقول ، لا تخبروني عمن يكرهني أو يتكلم عني ، اتركوني أحب الجميع ، وأظن أن الجميع يحبني..
لا توجد تعليقات حتى الآن!
كن أول من يعلق على هذا المنشور